დიდი ალბათობით, გაზაფხულზე დაიწყება კორუმპირებული ჩინოვნიკების აქტიური დაკავება,- ამის შესახებ უკრაინის რადას ფრაქციის "ხალხის მსახურის" თავმჯდომარე დავით არახამია Telegram-ზე წერს.

მისი თქმით, 24 თებერვლიდან მოყოლებული, ოფიციალური და არაოფიციალური არხებით მუდმივად აფრთხილებდნენ ყველა დონის ჩინოვნიკებს, რომ კონცენტრირებულიყვნენ ომზე, დახმარებოდნენ დაზარალებულებს და შეემცირებინათ ბიუროკრატია.

"24 თებერვლიდან მოყოლებული, ოფიციალური და არაოფიციალური არხებით მუდმივად აფრთხილებდნენ ყველა დონის ჩინოვნიკებს: კონცენტრირდნენ ომზე, დაეხმარონ დაზარალებულებს, შეამცირონ ბიუროკრატია და შეწყვიტონ საეჭვო ბიზნესი. ბევრმა ეს გაიგო და ბევრმა სამწუხაროდ - არა.

ალბათ, ამ გაზაფხულზე აუცილებლად დავიწყებთ აქტიურობას. "დროის ამოწურვა" აღარ იმუშავებს. ზოგმა ჩინოვნიკმა გონება ისე დაკარგა, რომ შიშისა და სინანულის გარეშე დაიწყო ძარცვა

ეს ეხება როგორც გენერატორების ბოლო შესყიდვებს, ასევე თავდაცვის სამინისტროში ახალ სკანდალებს.

დღეს კომიტეტში გავიგებთ სიტუაციას. მე ვიქნები ინიციატივით აღმასრულებელი ხელისუფლების საქმიანობა საპარლამენტო კონტროლს დაუბრუნდეს",- წერს არახამია.

შეგახსენებთ, რომ გუშინ ცნობილი გახდა, რომ უკრაინის რეგიონული ინფრასტრუქტურის განვითარების მინისტრის მოადგილე, ვასილ ლოზინსკი ქვეყნის დაზიანებული ინფრასტრუქტურის აღდგენისთვის განკუთვნილი თანხების მითვისების ბრალდებით დააკავეს.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით