2023-01-23 14:24:47, 1574 ნახვა
ომი უკრაინაში
ესტონეთი უკრაინას 155 მმ-იან ჰაუბიცებს გადასცემს
ესტონეთი უკრაინას თავის ყველა 155 მმ-იან ჰაუბიცას გადასცემს. ამის შესახებ უკრაინაში ესტონეთის ელჩმა, კაიმო კუუსკმა განაცხადა.
ელჩის თქმით, ჰაუბიცების გადაცემა გასულ კვირას გამოცხადებული რეკორდული სამხედრო დახმარების პაკეტის ფარგლებში მოხდება.
"ჩვენ ყველა ჩვენს 155 მმ-იან ჰაუბიცას ვაძლევთ უკრაინას და გვინდა ამ გზით შევქმნათ პრეცედენტი, რათა სხვა ქვეყნებს არ ჰქონდეთ მიზეზი, თუ რატომ არ შეუძლიათ უკრაინას მიაწოდონ საჭირო იარაღი ომის მოსაგებად", - თქვა ესტონეთის ელჩმა.
ელჩის განცხადებით, დახმარების პაკეტში შევა ისეთი იარაღი, როგორიცა 155 მმ-იანი კალიბრის ათასობით საარტილერიო ჭურვი, ასობით ტანკსაწინააღმდეგო ყუმბარმტყორცნი, საარტილერიო დანაყოფების დამხმარე საშუალებები და ა.შ.
ავტორი: ექსპრესნიუსი,
epn.ge (@expressnews.ge)
