ამერიკის შეერთებული შტატების სახელმწიფო მდივანმა ენტონი ბლინკენმა რუსეთის მოთხოვნას უკრაინის მიმართ, რომლის მიხედვითაც კიევმა „ახალი ტერიტორიული რეალობა“ უნდა აღიაროს, მიუღებელი უწოდა. 

როგორც ბლინკენმა ბრიტანეთის საგარეო საქმეთა მინისტრ ჯეიმს კლევერლისთან ერთობლივ ბრიფინგზე განაცხადა, ეს მოთხოვნები საზიანოა სამშვიდობო მოლაპარაკებების პროცესის დასაწყებად.

„რუსეთის მოთხოვნა უკრაინის მიმართ, აღიაროს ახალი ტერიტორიული რეალობა, მიუღებელია და არ იძლევა მოლაპარაკების პროცესის დაწყების საშუალებას“, - განაცხადა ბლინკენმა.

სახელმწიფო მდივანმა დასძინა, რომ შეერთებული შტატები და მოკავშირეები უკრაინას აწვდიან ყველაფერს, რაც აუცილებელია რუსეთის აგრესიის წინააღმდეგ ბრძოლისთვის.

"ამ ომის, დიპლომატიის, მოლაპარაკებების მდგრადი დასასრულის ყველაზე სწრაფი გზა არის უკრაინის გაძლიერება ბრძოლის ველზე. ეს არის ზუსტად ის, რასაც ჩვენ ვაკეთებთ", - თქვა მან.

ცნობისთვის, კრემლი ამტკიცებს, რომ მოსკოვს შეეძლო უკრაინასთან სამშვიდობო ხელშეკრულების გაფორმება, მაგრამ ამ შეთანხმებების ფარგლებში კიევმა ოკუპირებული ტერიტორიები რუსეთის შემადგენლობად უნდა აღიაროს. 

ავტორი: ექსპრესნიუსი,

სოციალური ქსელები

ობამამ გააკრიტიკა ტრამპის ირანთან მიღწეული შეთანხმება: „ჩვენ ისევ საწყის წერტილს დავუბრუნდით“

NYT: ტრამპმა ზელენსკისთან დაპირისპირებას „შესანიშნავი სატელევიზიო შოუ“ უწოდა

დრონებით თავდასხმების გამო, რუსეთში ბენზინის წარმოება ივნისში ერთი მეოთხედით შემცირდა

ზელენსკიმ ლუკაშენკოს ერთი კვირა მისცა ბელარუსში იმ აღჭურვილობის გასათიშად, რომელიც რუსეთს უკრაინაში დარტყმებში ეხმარება