"მჯერა, რომ ჩვენ საბოლოოდ შევძლებთ ამ ბრძოლაში საქართველოს დღევანდელ ხელისუფლებასთან გამარჯვებას და მიხეილ სააკაშვილის საზღვარგარეთ სამკურნალოდ გადაყვანას. პოლონეთისა და პოლონელების დიდი მეგობარი უბრალოდ იმსახურებს ამას!", ამის შესახებ პოლონეთის სეიმის ვიცე-სპიკერმა, მალგოჟატა გოშევსკამ განაცხადა.

მისივე თქმით, საქართველოს ხელისუფლებამ უნდა იპოვოს მისაღები გამოსავალი მიხეილ სააკაშვილის საზღვარგარეთ სამკურნალოდ გადაყვანასთან დაკავშირებით.

გარდა ამისა, ის გამოეხმაურა "მთავარი არხის" გენერალური დირექტორის ნიკა გვარამიას და სხვა ოპოზიციური მედიის წარმომადგენლების საკითხს , და სიტუაცია დამოუკიდებელი ჟურნალისტური საქმიანობის შესრულების გამო, ხელისუფლების მხრიდან შურისძიებად შეაფასა. 

"ვისაუბრე პოლონეთის სახელმწიფოს ქმედებებზე მიხეილ სააკაშვილის დასაცავად, საქართველოს ხელისუფლების მიმართ მუდმივ მიმართვაზე, იპოვონ მისაღები გამოსავალი საზღვარგარეთ მკურნალობასთან დაკავშირებით. მე ხაზგასმით აღვნიშნე მცდელობები, რომ ეს საკითხი საერთაშორისოდ აქტუალური გახდეს და ჩვენი უცხოელი პარტნიორების მობილიზება მოხდეს.

ვისაუბრეთ, ასევე, ნიკა გვარამიასა და ოპოზიციური მედიის სხვა წარმომადგენლებზე, რომელთა შემთხვევა საერთაშორისო საზოგადოების მიერ აღიქმება, როგორც შურისძიება ამჟამინდელი ხელისუფლების მიერ დამოუკიდებელი ჟურნალისტური საქმიანობის გამო.

საუბარში ასევე შევეხე საქართველოს შიდაპოლარიზაციის პრობლემებს, ხელისუფლების მიერ დემოკრატიული პრინციპების დარღვევას, მმართველი პარტიის ხაზის საწინააღმდეგო შეხედულებების მქონე ადამიანების დევნას, რუსეთის წინააღმდეგ სანქციების დარღვევას და ღია მხარდაჭერას ბ.ივანიშვილის ხელისუფლების მიერ

მჯერა, რომ ჩვენ საბოლოოდ შევძლებთ ამ ბრძოლაში საქართველოს დღევანდელ ხელისუფლებასთან გამარჯვებას და მიხეილ სააკაშვილის საზღვარგარეთ სამკურნალოდ გადაყვანას. პოლონეთისა და პოლონელების დიდი მეგობარი უბრალოდ იმსახურებს ამას!", - განაცხადა გოშევსკამ.

შეგახსენებთ, საქართველოს პარლამენტის დეპუტატ ნონა მამულაშვილსა და პოლონეთის სეიმის ვიცე-სპიკერის, მალგოჟატა გოშევსკას შორის შეხვედრა შედგა.

ავტორი: ექსპრესნიუსი,

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა