"საქართველოს რუსული ძალა და პრორუსი ოლიგარქი მართავს. არც გვიკვირს, რომ საქართველოს მთავრობამ უარი გვითხრა.", - ამის შესახებ რადას დეპუტატმა იური კამელჩუკმა განა ცხადა.

მისივე თქმით, როდესაც საქართველო განიცდიდა რუსეთის აგრესიას, უკრაინის მიზანი ქართველი ერის დახმარება იყო, ახლა ამ მდგომარეობაში უკრაინაა და სამხედრო დახმარებაზე საქართველოს მთავრობამ უარი განაცხადა. მან დასძინა, რომ "ქართული ოცნების" ლოგიკით მესამე მსოფლიო ომი მიმდინარეობს და უკრაინის პარტნიორები ამ ომში არიან ჩართულნი.

"რუსეთის აგრესიისთვის წინააღმდეგობის გასაწევად  საქართველოსთვის იარაღის მიწოდება, მეგობრული ჟესტია. ჩვენი მიზანი იყო მძიმე დროს ქართველ ერს დავხმარებოდით. დღეს იგივე მდგომარეობაში იმყოფება უკრაინა და ყველა პარტნიორს ვთხოვთ რუსული აგრესიის შესაჩერებლად იარაღით დაგვეხმაროს. საქართველოს რუსული ძალა და პრორუსი ოლიგარქი მართავს. არც გვიკვირს, რომ საქართველოს მთავრობამ უარი გვითხრა. საქართველოს ომში ჩართვა? ოცნების ლოგიკით მესამე მსოფლიო ომი მიმდინარეობს და ჩვენი პარტნიორები რუსეთთან ომში ჩართული არიან. აზრს მოკლებული ლოგიკაა. სამწუხაროდ ეს საქართველოს პრორუსული ხელისუფლების აზრია. ისინი რუსეთთან თანამშრომლობენ და ასრულებენ იმ ვალდებულებებს რომელიც აღებული აქვთ. 15 წლის შემდეგ ახლა გაახსენდათ ბუკების ამბავი?! აქამდე რატომ დუმდნენ?! აზრს მოკლებული პრეტენზიაა. დარწმუნებული ვარ, რომ ვერაფერს იპოვიან, მსგავსი არაფერი ყოფილა. დაგვეხმარონ, გამოგვიგზავნონ ბუკის საზენიტო სისტემები, თუ დაზიანებულია, ჩვენ თვითონ შევაკეთებთ და ომში გამოვიყენებთ. საქართველოს მთავრობის მიერ გამოთქმულ პრეტენზიებს, ჩვენთვის არანაირი მნიშვნელობა არ აქვს", - განაცხადა იური კამელჩუკმა.

ავტორი: ექსპრესნიუსი,

სოციალური ქსელები

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო

ლარსის გამშვებ პუნქტზე რუსი მესაზღვრეები ქართველ მძღოლებს დოკუმენტების სწრაფად მიღებისთვის დიდ გადასახადებს თხოვენ

2025 წელს საქართველოში 13 000-ზე მეტი ახალი სამუშაოს მაძიებელი დარეგისტრირდა