რა თქმა უნდა, ბუკის სისტემა ქართულმა მხარემ შეიძინა და მასში ათობით მილიონია გადახდილი, 2008 წელს ომის დაწყებამდე და ეს ქართული მხარისთვის არავის უჩუქები", - ასე გამოეხმაურა საპარლამენტო უმრაველოსობის წევრი, დავით მათიკაშვილი უკრაინის ელჩის მოვალეობის შემსრულებელ ანდრია კასიანოვს, რომელმაც განაცხადა, რომ უკრაინა საქართველოს 2008 წლის ომში გადაცემულ საზენიტო-სარაკეტო “ბუკის” სისტემების უკან დაბრუნებას სთხოვს.

მისივე თქმით, უკრაინის დახმარების სამი ძირითადი კომპონენტია, ჰუმანიტარული, პოლიტიკური და სამხედრო, პირველ ორ კომპონენტში კი, საქართველო მსოფლიოს ქვეყნებს შორის მოწინავე ადგილს იკავებს და ომის დაწყების დღიდან უკრაინას მაქსიმალურ დახმარებას უწევს.

„რა თქმა უნდა, ბუკის სისტემა ქართულმა მხარემ შეიძინა და მასში ათობით მილიონია გადახდილი, 2008 წელს ომის დაწყებამდე და ეს ქართული მხარისთვის არავის უჩუქებია, ისევე როგორც ჯაველინები იქნა შეძენილი ქართული მხარის მიერ. მაგრამ აქ მთავარი ეს არ არის, იცოდა თუ არა, მან ბევრად მეტი უნდა იცოდეს. უკრაინის დახმარების სამი ძირითადი კომპონენტია, ჰუმანიტარული, პოლიტიკური და სამხედრო. პირველ ორ კომპონენტში, ჰუმანიტარულ და პოლიტიკურ კომპონენტში საქართველო გახლავთ მსოფლიოში ერთ-ერთი ლიდერთაგან, რომელიც ომის დაწყების დღიდან უკრაინას მაქსიმალურ დახმარებას უწევს. საუბარია ჰუმანიტარული დახმარების იმ მასშტაბზე, რომელიც საქართველოდან არასდროს არ გასულა მისი დამოუკიდებლობიდან დღემდე, მაგრამ, ომის დაწყების პირველივე დღიდან საქართველომ ხმამაღლა და ერთმნიშვნელოვნად განაცხადა, რომ ის ომში არ ჩაერთვება. ის არ გახდება ომის მონაწილე მხარე და ეს უნდა იყოს ჩვენი მეგობარი ქვეყნის პოლიტიკური წარმომადგენლებისთვის ძალიან კარგად გასაგები. როგორც კი შენ, როგორც სახელმწიფო ან მოხალისეების გაგზავნა უზრუნველყოფ ომში, ან აწვდი იარაღს ერთ-ერთ მხარეს, შენ ავტომატურად ხდები ომის მონაწილე და ომის ქარ-ცეცხლი მაღალი ალბათობით შეიძლება შენთანაც გადმოვიდეს“, - განაცხადა დავით მათიკაშვილმა.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო