საფრანგეთის მიერ კიევისთვის ბორბლიანი ტანკების მიწოდებამ შეიძლება მხოლოდ გაახანგრძლივოს უკრაინელი ხალხის ტანჯვა, მაგრამ არ შეცვლის სიტუაციას სპეციალური სამხედრო ოპერაციის მიზნების მისაღწევად, - ამის შესახებ რუსეთის სახელმწიფოს მეთაურის პრესმდივანმა დიმიტრი პესკოვმა განაცხადა.

კრემლის სპიკერმა აღნიშნა, რომ კრემლმა იცის, რომ ევროპამ, ნატომ და შეერთებულმა შტატებმა უკვე ათეულობით მილიარდი დოლარი შეიტანეს უკრაინაში იარაღის მიწოდების გზით.

„ძირითადად, ეს მიწოდებები ვერაფერს ვერ შეცვლის უკრაინაში. ამ მიწოდებას შეუძლია უკრაინელ ხალხს ტკივილი შემატოს და ტანჯვა გაუხანგრძლივოს, მაგრამ პრინციპში ვერაფერს გადაჭრიან და სპეციალური სამხედრო ოპერაციის მიზნების მიღწევის პროცესს ვერ შეაფერხებენ, ეს მიწოდება უუნაროა“, - ციტირებს პესკოვს TASS-ი.

ამასთან, პესკოვმა აღნიშნა, რომ ერთ დროს რუსეთის პრეზიდენტ ვლადიმერ პუტინსა და საფრანგეთის ლიდერს ემანუელ მაკრონს შორის კონტაქტი სასარგებლო იყო - „დიალოგში არის პაუზები, მაგრამ წინა ეტაპზე კონტაქტი იყო სასარგებლო და ძალიან კონსტრუქციული, მიუხედავად ყველა არსებული, მათ შორის ღრმა უთანხმოებისა“. 

შეგახსენებთ, რომ ელისეის სასახლემ გამოაცხადა გადაწყვეტილება კიევში AMX-10 RC მსუბუქი საბრძოლო ტანკების გაგზავნის შესახებ. 

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო