2023-01-09 12:09:02, 1239 ნახვა
სამართალი
თბილისის საქალაქო სასამართლოსთან მიხეილ სააკაშვილის მხარდამჭერები არიან შეკრებილი
თბილისის საქალაქო სასამართლოს ეზოში მიხეილ სააკაშვილის მხარდამჭერები არიან შეკრებილი და საქართველოს მესამე პრეზიდენტის მორიგი სხდომის დაწყებას ელოდებიან.
მიმდებარე ტერიტორიაზე მობილიზებულია პოლიციის რამდენიმე ეკიპაჟი.
მოსამართლე გიორგი არევაძეს სხდომა 12:00 საათზე ჰქონდა დანიშნული.
საქართველოს მესამე პრეზიდენტის ადვოკატის, შალვა ხაჭაპურიძის ინფორმაციით, სასამართლო პროცესზე ქართველი ექიმები დაიკითხებიან.
ჯანმრთელობის მდგომარეობიდან გამომდინარე, პროცესს ვერ ესწრება თავად მიხეილ სააკაშვილი.
შეგახსენებთ, რომ ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.
ავტორი: ექსპრესნიუსი,
epn.ge (@expressnews.ge)
