2023-01-08 18:44:17, 1738 ნახვა
ომი უკრაინაში
რუსეთის ტყვეობიდან კიდევ 50 უკრაინელი ჯარისკაცი გათავისუფლდა - ვიდეო
უკრაინამ რუსული ტყვეობიდან კიდევ 50 ჯარისკაცი გაათავისუფლა.
უკრაინის პრეზიდენტის ადმინისტრაციის უფროსის, ანდრეი ერმაკის ინფორმაციით, რუსეთ-უკრაინას შორის მორიგი ტყვეთა გაცვლის ფარგლებში, ქვეყანას 33 ოფიცერი და 17 რიგითი და სერჟანტი დაუბრუნდა.
„ჩვენ ვაბრუნებთ ჩერნობილის ატომურ ელექტროსადგურზე დატყვევებულ ადამიანებს, ასევე მარიუპოლის დამცველებს, ბიჭებს დონეცკიდან, ბახმუტიდან, ასევე კიევის, ჩერნიგოვის, ხერსონის რეგიონებიდან“, - წერს ერმაკი Telegram-ზე.
მისი თქმით, ეს ტყვეთა გაცვლის ბოლო შემთხვევა არ იქნება, რადგან უკრაინის ამოცანა ტყვედ ჩავარდნილი ყველა ჯარისკაცის გათავისუფლებაა.
ავტორი: ექსპრესნიუსი,
epn.ge (@expressnews.ge)
