უნგრეთი ამჯერადაც დასავლელი პარტნიორების საპირისპირო პოზიციას იჭერს და კრემლის მიერ საშობაოდ ცეცხლის შეწყვეტის შეთავაზებას მიესალმება. 

როგორც უნგრეთის პრეზიდენტი კატალინ ნოვაკი Twitter-ზე წერს, რუსეთის მხრიდან აღნიშნული გადაწყვეტილება ნაბიჯია მშვიდობისკენ. 

„მართლმადიდებლური შობისთვის გამოცხადებული ცეცხლის შეწყვეტა არის ნაბიჯი მშვიდობისკენ“, - წერს კატალინ ნოვაკი. 

შეგახსენებთ, უნგრეთის პრემიერ-მინისტრმა ვიქტორ ორბანმა განაცხადა, რომ 2023 წელს ის შეინარჩუნებს მიდგომას, რომლის მიხედვითაც უნგრეთი მაქსიმალურად შორს დარჩება უკრაინის ომისგან.

ცნობისთვის, 5 იანვარს რუსეთის პრეზიდენტმა ვლადიმერ პუტინმა განაცხადა, რომ თავდაცვის მინისტრ სერგეი შოიგუს  საშობაო პერიოდისთვის  „ცეცხლის შეწყვეტის“ დაწესება დაავალა.

პრეზიდენტის აპარატის უფროსის მრჩეველმა მიხაილ პოდოლიაკმა, პუტინის განცხადების კომენტირებისას აღნიშნა, რომ „დროებითი ზავი“ შეიძლება დაიწყოს, როდესაც რუსი აგრესორი  დატოვებს უკრაინის ტერიტორიას . 

ეროვნული უსაფრთხოებისა და თავდაცვის საბჭოს მდივანმა ოლექსი დანილოვმა განაცხადა, რომ უკრაინა  რუსეთთან არანაირ მოლაპარაკებას არ  გამართავს ე.წ. საშობაო ცეცხლის შეწყვეტის შესახებ.

უკრაინის პრეზიდენტმა ვოლოდიმირ ზელენსკიმ თქვა, რომ ვლადიმერ პუტინი იყენებს ე.წ „ზავს“, რათა დროებით მაინც შეაჩეროს უკრაინის შეიარაღებული ძალების წინსვლა აღმოსავლეთში.

გარდა ამისა, უკრაინის ბევრი მოკავშირე სკეპტიკურად უყურებდა რუსეთის წინადადებას ცეცხლის შეწყვეტის შესახებ. აშშ-ის სახელმწიფო დეპარტამენტი და ლიეტუვის თავდაცვის სამინისტრო თვლიან, რომ რუსეთს სურს გამოიყენოს ეს დრო ძალების  გადაჯგუფებისთვის.

ავტორი: ექსპრესნიუსი,

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო