საქართველოს მესამე პრეზიდენტი მიხეილ სააკაშვილი კათოლიკოს-პატრიარქის წერილის საპასუხოდ განცხადებას აქვეყნებს და ილია მეორეს მადლობას უხდის, რომ მის ოჯახის წევრებს შეხვდა. 

ექსპრეზიდენტმა ასევე განმარტა პატრიარქის წერილში ნახსენები "სულიერი რეალობა" და დასძინა, რომ ეს მის სულიერ გაძლიერებას უკავშირდებოდა. 

"დღეს არის შობის ბრწყინვალე დღესასწაული. მადლობელი ვარ მისი უწმინდესობის, რომ მიუხედავად დიდი გადაღლისა, ძალიან თბილად შეხვდა და დიდხანს ესაუბრა სანდრას და ნიკოლოზს.

მინდა ვუპასუხო მათ ვინც "სულიერი რეალობა" რაღაცნაირად ციხეს დაუკავშირა, მათ გამორჩათ სიტყვა "სულიერი".

ბოლო წლის განმავლობაში მე მართლაც გავძლიერდი სულიერად, პირველად მრავალგზის ვეზიარე, ჩავაბარე აღსარება, გავიარე ზეთისცხება და რაც მთავარია მქონდა ბევრი ლოცვის დრო და შესაძლებლობა.

რაც შეეხება ციხეს, უკრაინელი მებრძოლების მთავარი ლოზუნგია - თავისუფლება ან სიკვდილი, ასე რომ გაიმარჯვებს თავისუფლება.

ყველას გილოცავთ შობას", - წერს მიხეილ სააკაშვილი. 

ცნობისთვის, გუშინ საქართველოს პატრიარქმა, ილია მეორემ მესამე პრეზიდენტს მისალოცი წერილი მისწერა. ილია მეორემ კლინიკაში მყოფ მიხეილ სააკაშვილს ჯანმრთელობა და "ღვთის შეწევნა ჭეშმარიტი სხვა რეალობის შესაცნობად" უსურვა.

ავტორი: ექსპრესნიუსი,

სოციალური ქსელები

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს

პროკურატურა – 2015 წელს მომხდარი გიორგი კვარაცხელიას განზრახ მკვლელობის საქმე გახსნილია, ორ პირს ბრალდება წარედგინება

თიბისი კამპუსი – უფასო ონლაინ განათლება სტუდენტებისთვის

ტრამპმა განაცხადა, რომ ირანზე დარტყმების შემდეგ თეირანმა შეთანხმების მიღწევა მოითხოვა