2022-12-29 12:35:50, 1350 ნახვა
ომი უკრაინაში
რუსეთმა უკრაინის რამდენიმე ქალაქზე იერიში მიიტანა - აფეთქებებია კიევშიც
რუსეთმა დილიდან უკრაინის რამდენიმე ქალაქსა და დედაქალაქ კიევზე იერიში მიიტანა. უკრაინული მედიის ცნობით, ადგილზე ჰაერსაწინააღმდეგო თავდაცვის სისტემა მუშაობს.
კიევში მომხდარი აფეთქებების სერია ხელისუფლებამ უკვე დაადასტურა.
"რამდენიმე აფეთქება დედაქალაქში", - განაცხადა დედაქალაქის მერმა, ვიტალი კლიჩკომ.
მედიის ინფორმაციით, დარნიცკის რაიონში ჩამოგდებული რაკეტის ფრაგმენტებმა კერძო შენობა და მანქანა დააზიანა.
დედაქალაქისა და მის ფარგლებს გარეთ მცხოვრებლებს მოუწოდებენ, საჰაერო თავდასხმის განგაშის დასრულებამდე, თავშესაფრებში დარჩნენ.
ავტორი: ექსპრესნიუსი,
epn.ge (@expressnews.ge)
