"მაკკეინის ინსტიტუტი დგას სააკაშვილთან, ოდესღაც უფრო თავისუფალი და დემოკრატიული საქართველოს ლიდერთან, - აღნიშნულის შესახებ განცხადებას მაკკეინის ინსტიტუტის აღმასრულებელი დირექტორი ეველინ ფარკასმა ავრცელებს. 

განცხადებაში მაკკეინის ინსტიტუტი ხაზს უსვამს საქართველოს მესამე პრეზიდენტის დაუყოვნებლივ გათავისუფლებასა და სამედიცინო დახმარებისთვის გადაყვანის აუცილებლობას.

"მაკკეინის ინსტიტუტი დგას სააკაშვილთან, ოდესღაც უფრო თავისუფალი და დემოკრატიული საქართველოს ლიდერთან და ჩვენი თანამოსახელე სენატორ მაკკეინის მეგობართან. ჩვენ ხაზს ვუსვამთ მისი დაუყოვნებლივ გათავისუფლებისა და სამედიცინო დახმარებისთვის გადაყვანის აუცილებლობას და ვუსურვებთ ძლიერ და სწრაფ გამოჯანმრთელებას“, - განაცხადა მაკკეინის ინსტიტუტის აღმასრულებელმა დირექტორმა.

შეგახსენებთ, რომ გუშინ, 22 დეკემბერს თბილისის საქალაქო სასამართლოში მესამე პრეზიდენტის გათავისუფლების ან სასჯელის გადავადების შუამდგომლობის განხილვაზე პირველი სხდომა ჩატარდა. პროცესს კლინიკა "ვივამედიდან" მიხეილ სააკაშვილი დისტანციურ რეჟიმში ესწრებოდა, თუმცა ადვოკატის თქმით, სხდომის მიმდინარეობისას მან თავი შეუძლოდ იგრძნო და ჩართვაზე უარი განაცხადა.

ექსპრეზიდენტის გათავისუფლების ან სასჯელის გადავადების მოთხოვნით, მისმა ადვოკატმა, შალვა ხაჭაპურიძემ სასამართლოს შუამდგომლობით 1-ელ დეკემბერს მიმართა.

აღნიშნულს წინ უძღოდა წამების მსხვერპლთა ფსიქოლოგიური რეაბილიტაციის ცენტრ "ემპათიას" დასკვნა, რომლის მიხედვითაც მიხეილ სააკაშვილს 20-ზე მეტი დიაგნოზი თუ სიმპტომო-კომპლექსი აღენიშნება, აქედან წამყვანია, დაახლოებით, 10 დიაგნოზი, რაც შეუთავსებელს ხდის პატიმრობას.

ავტორი: ექსპრესნიუსი,

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა