21-წლიანი თავდადებული და ერთგული მუშაობის შემდეგ, ანჯელინა ჯოლი ლტოლვილთა საკითხებში გაეროს კეთილი ნების ელჩის პოსტს ტოვებს,- ამის შესახებ ინფორმაცია გაეროს ოფიციალურ გვერდზე ვრცელდება.

ჰოლივუდის მსახიობი აცხადებს, რომ აჩერებს თანამშრომლობას გაეროს ლტოლვილთა სააგენტოსთან, რომელიც მხარს უჭერს იძულებით გადაადგილებულ პირთა უფლებებს და დაცვას მთელს მსოფლიოში, თუმცა მისიას UNHCR-ის წარმომადგენლად განაგრძობს, რათა ჩაერთოს ჰუმანიტარული ღონისძიებების ფართო სპექტრში.

"ლტოლვილთა უფლებების ერთ-ერთი ყველაზე გავლენიანი მხარდამჭერი, ქალბატონი ჯოლი გააგრძელებს მუშაობას უფრო თანასწორი, სამართლიანი და ინკლუზიური საერთაშორისო სისტემის შესაქმნელად. იმ დროს, როდესაც მსოფლიო რთული, მრავალმხრივი და ურთიერთდაკავშირებული კრიზისების წინაშე დგას, ის გეგმავს აქტიურ მონაწილეობას ჰუმანიტარული საკითხების უფრო ფართო სპექტრზე, ისევე როგორც ადგილობრივ ორგანიზაციებთან უფრო უშუალოდ მუშაობას. მისი პორტფელი კვლავაც მოიცავს ლტოლვილებს და იძულებით გადაადგილების საკითხებს",- ნათქვამია გაეროს განცხადებაში. 

ანჯელინა ჯოლი გაეროში 2001 წლიდან მუშაობს. 2012 წელს კი ის სპეციალურ წარმომადგენელად დაინიშნა. 

ავტორი: ექსპრესნიუსი,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს