ზედმეტად შეფერხება ქმნის შეშფოთებას და დამატებით კითხვებს ბადებს, - ასე აფასებს აშშ-ის ელჩი საქართველოში, კელი დეგნანი მიხეილ სააკაშვილის სასამართლო პროცესს, რომელიც ისევ გადაიდო.

როგორც დეგნანმა ჟურნალისტებთან საუბრისას აღნიშნა, მიხეილ სააკაშვილის ასეთ მდგომარეობაში სასამართლო პროცესის გადადება მოულოდნელი იყო. 

"ამერიკის შეერთებული შტატები ყურადღებით აკვირდება განვითარებულ მოვლენებს მიხეილ სააკაშვილის ჯანმრთელობის გარშემო. ასეთ მდგომარეობაში სასამართლო პროცესის გადადება მოულოდნელი იყო, განსაკუთრებით, როცა გადაუდებელი სიტუაციაა და საქმე ეხება ადამიანის ჯანმრთელობას. ადრეც აღვნიშნეთ, რომ ეს მთავრობის პასუხისმგებლობაა და მათ უნდა მიიღონ შესაბამისი სამედიცინო დახმარება და კიდევ ზედმეტად შეფერხება ამის, ქმნის შეშფოთებას და დამატებით კითხვებს ბადებს",- განაცხადა ელჩმა. 

შეგახსენებთ, რომ 9 დეკემბერს თბილისის საქალაქო სასამართლოში მიხეილ სააკაშვილის  გათავისუფლების ან სასჯელის გადავადების საქმეზე უნდა ემსჯელათ, თუმცა მოსამართლე გიორგი არევაძემ პროცესი ჯერ 14 დეკემბერს, შემდეგ კი 22 დეკემბრისთვის გადადო. 

პროცესზე დასწრების სურვილი გამოთქვა თავად ექსპრეზიდენტმა, თუმცა მისი ჯანმრთელობის მდგომარეობიდან გამომდინარე, კლინიკა „ვივამედმა" დასწრების საშუალება არ მისცა.ამის შემდეგ, ადვოკატმა პროცესზე მიხეილ სააკაშვილის დისტანციურ რეჟიმში დასწრება მოითხოვა, რაზეც სასამართლომ უფლება გასცა, თუმცა სხდომის დღეს "ტექნიკური მოწყობილობების" არ არსებობის გამო, პენიტენციურმა არ ჩართო. 

ავტორი: ექსპრესნიუსი,

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება