ახალი პრეზიდენტის არჩევის შემდეგ, პერუს რამდენიმე ქალაქი საპროტესტო აქციებმა მოიცვა. "დოიჩე ველეს" ინფორმაციით, დინა ბოლუარტეს საწინააღმდეგო აქციაზე, ქვეყნის სამხრეთში მდებარე ქალაქ ანდაჰუაილასში, 2 ადამიანი დაიღუპა.

პერუს ომბუდსმენის ოფისის ხელმძღვანელმა, ელიანა რევოლარმა განაცხადა, რომ პოლიციასთან შეტაკებისას დაღუპულები არასრულწლოვნები არიან.

"ჩვენ ვწუხვართ ორი ადამიანის დაღუპვისა და რამდენიმე დაშავებულის გამო. მოვუწოდებ მოსახლეობას, დამშვიდდნენ", - განაცხადა შინაგან საქმეთა მინისტრმა, სეზარ სერვანტესმა.

დინა ბოლუარტეს წინააღმდეგ ხალხი დედაქალაქ ლიმას ქუჩებშიც გამოვიდა. პოლიციამ მათ წინააღმდეგ ცრემლსადენი გაზი გამოიყენა. 

აღსანიშნავია, რომ პროტესტი სტაბილურად იმატებს მას შემდეგ, რაც სამხრეთ ამერიკის საკანონმდებლო ორგანომ გადააყენა მემარცხენე პრეზიდენტი პედრო კასტილო, რადგან მან კონგრესის დაშლა სცადა.

დინა ბოლუარტემ - ყოფილმა პროკურორმა, რომელსაც კასტილოს ვიცე-პრეზიდენტის თანამდებობა ეკავა, მალევე დადო ფიცი, წარადგინა თავისი ახალი კაბინეტი და პრემიერ-მინისტრად ყოფილი პროკურორი პედრო ანგულო დაასახელა.

საპროტესტო აქციის მონაწილეები, მთელი ქვეყნის მასშტაბით, კონგრესის დაშლას, ვადამდელ არჩევნებს, ახალ კონსტიტუციასა და პედრო კასტილოს დაუყოვნებლივ გათავისუფლებას ითხოვენ.

ავტორი: ექსპრესნიუსი,

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა