შვედეთი უკრაინისთვის დახმარების მეცხრე პაკეტზე მუშაობს, რომელიც სამხედროებისთვის საჰაერო თავდაცვის სისტემებისა და საბრძოლო მასალის მიწოდებას ითვალისწინებს. ამის შესახებ შვედეთის თავდაცვის მინისტრმა, პოლ ჯონსონმა განაცხადა. 

მან აღნიშნა, რომ შვედეთისთვის უკრაინა პრიორიტეტულია და მომავალშიც გააგრძელებს სამხედრო მხარდაჭერას. მინისტრის თქმით, შვედეთის მთავრობის მიერ შემუშავებული მეცხრე პაკეტი წინა პაკეტზე 50%-ით მეტია.

„ეს განპირობებულია იმით, რომ ჩვენ ვხედავთ ესკალაციას რუსეთის მხრიდან... ამ პაკეტში ჩვენ ვუზრუნველყოფთ საჰაერო თავდაცვას“, - განაცხადა შვედეთის თავდაცვის მინისტრმა.

მისი თქმით, შვედი პარტნიორები ასევე უზრუნველყოფენ სხვა ტიპის საჰაერო თავდაცვის კომპონენტებს და ზამთრის საბრძოლო მასალებს უკრაინელი სამხედროებისთვის.

ჯონსონმა დასძინა, რომ შვედეთი მხარს არა მხოლოდ უკრაინას უჭერს, არამედ ინვესტიციას ახორციელებს „ჩვენს საერთო უსაფრთხოებაში“, რადგან რუსეთი მუდმივად არღვევს ხალხის უფლებებს, განსაკუთრებით სამოქალაქო ობიექტებზე - საავადმყოფოებზე, უნივერსიტეტებზე, სკოლებზე თავდასხმით.

„1 იანვრიდან ჩვენ ვიხელმძღვანელებთ ევროპის საბჭოს და ჩვენთვის ძალიან მნიშვნელოვანი ამოცანა იქნება უკრაინის ინტერესების დაცვა“, - განაცხადა შვედეთის თავდაცვის მინისტრმა.

ავტორი: ექსპრესნიუსი,

სოციალური ქსელები

უკრაინულმა დრონებმა კრასნოდარის მხარეზე მასშტაბური თავდასხმა განახორციელეს- ორი ადამიანი დაიღუპა და 12 დაშავდა.

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია