შშმ პირთა უფლებების დაცვის კვირეულის ფარგლებში, დასაქმების ფორუმი ჩატარდა. ღონისძიებაზე 20-მდე კომპანიამ და ორგანიზაციამ 100-ზე მეტი ვაკანსია წარმოადგინა.

ჯანდაცვის სამინისტროს ინფორმაციით, სამუშაოს მაძიებელ შშმ პირებს შესაძლებლობა ჰქონდათ, ერთიან სივრცეში დამსაქმებლებს შეხვედროდნენ კომპანიის წარმომადგენლებისგან მიეღოთ ინფორმაცია და სასურველი ვაკანსიები შეერჩიათ.

„ფორუმზე სხვადასხვა განათლებისა და კვალიფიკაციის მქონე პირებისთვის წარმოდგენილი იყო ყველაზე მოთხოვნადი ვაკანსიები. ფორუმის შემდეგ, ღიად დარჩენილი შეთავაზებები დაინტერესებული შშმ პირებისთვის კვლავ ხელმისაწვდომი იქნება. მსურველები ინფორმაციას დასაქმების ხელშეწყობის სახელმწიფო სააგენტოს სერვის ცენტრებში მიიღებენ, სადაც კარიერის კონსულტანტები მათ სასურველ კომპანიასთან დააკავშირებენ.

დასაქმების ხელშეწყობის სააგენტო დასაქმების ფორუმებს პერმანენტულად ატარებს. ასეთი ღონისძიებების მიზანია ერთმანეთთან დააკავშიროს დამსაქმებლები და სამუშაოს მაძიებლები. ასევე ხელს უწყობს სხვადასხვა ჯგუფებს გაიარონ მომზადება-გადამზადების კურსები შემდეგ კი, ღია შრომის ბაზარზე დამკვიდრდნენ.

დასაქმების ხელშეწყობის სახელმწიფო სააგენტომ ფორუმის დაწყებამდე საუკეთესო დამსაქმებლები და პარტნიორები სამახსოვრო სიგელებით დააჯილდოვა. ღონისძიებას შშმ პირთა თემი, პარტნიორები, დამსაქმებლები სამთავრობო და არასამთავრობო ორგანიზაციების წარმომადგენლები ესწრებოდნენ.

ღონისძიება დასაქმების ხელშეწყობის სახელმწიფო სააგენტოს, თბილისის მერის შშმ პირთა საკითხებზე მომუშავე საბჭოს ორგანიზებით, პრეზიდენტის ადმინისტრაციისა და თბილისის საკრებულოს მხარდაჭერით გაიმართა”, - აღნიშნულია გავრცელებულ ინფორმაციაში.

ავტორი: NS (სტატია დაფინანსებულია),

სოციალური ქსელები

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის

ზურაბიშვილი: ევროკომისიას ვთხოვ, დიუშენის დისტროფიით დაავადებული ბავშვების მშობლებისთვის დახმარება გამოყოს

საგამოძიებო სიუჟეტის შემდეგ ჟურნალისტი გურამ როგავა გამოკითხვაზე დაიბარეს