2022-12-04 18:40:06, 1590 ნახვა
მსოფლიო
თურქმა სამართალდამცველებმა სირიის ჩრდილოეთში 18 ტერორისტი დააკავეს
თურქმა სამართალდამცველებმა სირიის ჩრდილოეთში რამდენიმე სპეცოპერაციის შედეგად 18 ტერორისტი დააკავეს. თურქული მედიის ცნობით, დაკავებულთაგან ერთი ე.წ. ისლამური სახელმწიფოს ფინანსურ ოპერაციებზე პასუხისმგებელი პირია.
ISIS-ის 13 წევრის დაკავება ჯარაბლუსის და ალ-ბაბის რეგიონებში ჩატარებული სპეცოპერაციის დროს მოხდა. იმავე დღეს, აიყვანეს ასევე ქურთული სამხედრო ჯგუფების 5 წევრიც.
მედიის ინფორმაციით, დაკავებულები ახორციელებდნენ პროპაგანდას, გადაბირებას და აგროვებდნენ სადაზვერვო ინფორმაციას.
დაკავებულთა სახლებიდან, ჩხრეკის შედეგად, ამოღებულია ასაფეთქებელი მოწყობილობები, ვაზნები და შაშხანები.
ავტორი: ექსპრესნიუსი,
epn.ge (@expressnews.ge)
