ჩინეთში Covid-19-ის შემთხვევების რაოდენობა იზრდება - ინფიცირებულთა დღიური მაჩვენებელი 31 ათასს აღწევს

2022-11-25 09:28:48, 1296 ნახვა

მსოფლიო

ჩინეთში Covid-19-ით ინფიცირების შემთხვევები იზრდება. უცხოური მედიის ინფორმაციით, დღიურ შემთხვევათა რაოდენობა 31 ათასამდე აღწევს, რაც აჭარბებს აპრილ-მაისის მაჩვენებელს, რომლის მიხედვითაც შანხაიში, 24 საათში 29 317 ადამიანი დაინფიცირდა და ქალაქში შეზღუდვები დაწესდა.

გასული კვირის შემდეგ, ჩინეთში, სადაც ბოლო 6 თვის მანძილზე ახალი კორონავირუსით გარდაცვალების პირველი შემთხვევა დაფიქსირდა, Covid-19-მა კიდევ 6 ადამიანი იმსხვერპლა.

ამ დროისთვის, ახალი კორონავირუსის შემთხვევების მატება, სიმპტომებით თუ უსიმპტომოდ, ქვეყნიის 31 პროვინციაში ფიქსირდება.

აღსანიშნავია, რომ ინფიცირებულთა 90% შემთხვევაში ინფექცია უსიმპტომოდ მიმდინარეობს.

ცნობისთვის, მიმდინარე კვირის დასაწყისში, ჩინეთის მთავრობამ, 21-მილიონიან პეკინში, რომელიც მძიმე COVID-გამოცდის წინაშე დგას, მაღაზიები, სკოლები და რესტორნები დახურა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,