ბაზისბანკი, დღეიდან, მარტივი და უსაფრთხო უკონტაქტო გადახდების ინსტრუმენტის - Google Pay-ს მხარდაჭერას იწყებს, რომელიც სრულად ცვლის მობილურ გადახდებს და ხდის მას უფრო მარტივს და უსაფრთხოს, როგორც Android, ასევე WearOS მოწყობილობებზე.

ბაზისბანკის Mastercard ბარათის მფლობელებს უკვე შეუძლიათ შეინახონ სადებეტო და საკრედიტო  ბარათები Google Wallet ციფრულ საფულეში, რომელიც უკონტაქტო გადახდებს ნებისმიერ ადგილას ახორციელებს, სადაც ტერმინალით გადახდაა შესაძლებელი.

Google Pay-ის გამოყენება დაფუძნებულია უსაფრთხოებასა და კონფიდენციალურობაზე. როდესაც ბარათის მფლობელი ამატებს მას Google Wallet-ში, არ ხდება მისი შენახვა მოწყობილობაზე ან Wallet-ის სერვერებზე. ბაზისბანკის Mastercard ბარათით ანგარიშსწორებისას, გარიგება ხორციელდება ბარათის უნიკალური ნომრის გამოყენებით, რაც ასოცირდება უსაფრთხოების დინამიურ კოდთან და იცვლება თითოეული ტრანზაქციის დროს, რომელიც  თაღლითობისგან დაცვის დამატებით დონეს უზრუნველყოფს.

იმ შემთხვევაში, თუ Google Pay-ის მომხმარებლის მობილური ტელეფონი დაიკარგა ან მოიპარეს, "იპოვე ჩემი მოწყობილობის" მარტივი ფუნქციის გამოყენებით, ნებისმიერი ადგილიდან, მყისიერად დაიბლოკება მოწყობილობა. მომხმარებელს შეეძლება დაიცვას ახალი პაროლით ან  სრულად გაასუფთავოს იგი პირადი ინფორმაციისგან.

"Google Pay უზრუნველყოფს სწრაფ, მარტივ და უსაფრთხო გზას მომხმარებლებისთვის 45-ზე მეტ ქვეყანაში, რათა გადაიხადონ თავიანთი Android ტელეფონით ან WearOS მოწყობილობით. მომხმარებლებს შეუძლიათ მარტივად დაამატონ თავიანთი სადებეტო და საკრედიტო ბარათები Google Wallet app-ში და იგრძნონ, რომ შენაძენის განხორციელებისას მათი ფინანსური ინფორმაცია დაცული და უსაფრთხოა." - განაცხადა Google Wallet-ის ვიცე-პრეზიდენტმა და გენერალურმა მენეჯერმა, ჯენი ჩენგმა.

„მოხარული ვარ, რომ დღეიდან ბაზისბანკის Mastercard ბარათების მფლობელები სწრაფი, მარტივი და უსაფრთხო საგადახდო სისტემა Google Pay-ით ისარგებლებენ. დღესდღეობით სმარტფონებს აქტიურად ვიყენებთ ჩვენს ყოველდღიურ ცხოვრებაში საქონლის ან მომსახურების შესყიდვისას, ბარათის თან არქონის შემთხვევაში კი Google Pay-ით გადახდა ყველაზე მარტივი და ეფექტური გზაა“  - აღნიშნა ბაზისბანკის საცალო ბიზნესის დირექტორმა, ლევან გარდაბხაძემ.

Google Pay-ის დაყენება მარტივია. ბაზისბანკის Mastercard ბარათის Google Pay-ით გამოყენების დასაწყებად, ჩამოტვირთეთ Google Wallet დღესვე Google Play Store- დან.

ავტორი: R (რეკლამა),

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის