უკრაინის პრეზიდენტის, ვოლოდიმირ ზელენსკის თქმით, იგი დარწმუნებულია, რომ ყირიმის ოკუპანტებისგან გათავისუფლების შემდეგ, ადგილობრივი მოსახლეობა უკრაინელ სამხედროებს ისევე შეხვდებიან, როგორც - ხერსონში.

"ოკუპანტები ხერსონში მცხოვრებ ჩვენს მოქალაქეებს თვეების განმავლობაში დასცინოდნენ, აბუჩად იგდებდნენ და აჯერებდნენ, რომ ხერსონის სამუდამოდ რუსული იქნებოდა. მიუხედავად მსგავსი მოპყრობისა დღეს ათასობით ადამიანი გამოვიდა და უკრაინულ დროშებს აფრიალებენ. მოქალაქეებს არცერთი წამით უფიქრიათ უკრაინელობა დაეთმოთ.

მთელი მსოფლიო ხედავს, რას ნიშნავს უკრაინელების ერთიანობა. მათ დაინახეს თუ რატომ უნდა გავათავისუფლოთ ჩვენი ტერიტორიები. მსგავსი დახვედრა ბოლო არაა, წინ კიდევ ბევრი ქალაქია, რომელიც უნდა გავათავისუფლოთ, ჩვენ ყველასთან ჩავალთ. აუცილებლად აღვადგენთ საერთაშორისოდ დადგენილ ჩვენს საზღვრებს. ჩვენი სამართალდამცველები უკვე ხერსონში არიან და წესრიგის დამყარებას იწყებენ.  ასუფთავებენ ტერიტორიებს. უკვე 2000-ზე მეტი ნაღმი გაანეიტრალეს. ყველაფერს აღვადგენთ. ამას დრო დასჭირდება, თუმცა არცერთი წამი არ გავჩერდებით" - თქვა ზელენსკიმ. 

ყოველდღიურ ვიდეომიმართვაში უკრაინის პრეზიდენტმა მადლობა გადაუხადა ცალკეულ 28-ე, 63-ე და 59-ე ქვეითი ბრიგადის მებრძოლებს. ასევე სპეციალური ოპერაციების ძალებსა და ეროვნული გვარდიის სამხედროებს "ხერსონის გათავისუფლების ამოცანის ბრწყინვალედ შესრულებისთვის". 

ავტორი: ექსპრესნიუსი,

სოციალური ქსელები

ISW: უკრაინის შეიარაღებულმა ძალებმა იანვრის ბოლოდან უკრაინის ტერიტორიის 600 კვადრატულ კილომეტრზე მეტი გაათავისუფლეს

პუტინი უკრაინასთან ერთად, მოლდოვას დაპყრობის ოპერაციას ამზადებს -New York Times

თურქეთმა შავი ზღვის გავლით რუსული ნავთობის შესყიდვები შეაჩერა

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს