2022-11-12 14:09:03, 1828 ნახვა
ომი უკრაინაში
რუსეთმა ოკუპირებული ხერსონის ახალ „დედაქალაქად“ გენიჩესკი დაასახელა
რუსეთმა ოკუპირებული ხერსონის რეგიონის ახალ „დედაქალაქად“ გენიჩესკი დაასახელა. აღნიშნულის შესახებ ინფორმაციას კრემლის გამოცემა "TASS" ავრცელებს.
გამოცემის ცნობით, ე.წ. „რეგიონის ადმინისტრაციის“ წარმომადგენელმა განაცხადა, რომ ე.წ. „ხელისუფლების“ მთავარი ორგანოები რეგიონის „დროებით დედაქალაქში“ განლაგდა.
შეგახსენებთ, რომ 9 ნოემბერს უკრაინაში რუსი ოკუპანტების სარდალმა, სერგეი სუროვიკინმა განაცხადა, რომ რუსული არმია ტოვებდა ხერსონს.
გუშინ, 11 ნოემბერს დაზვერვის მთავარმა სამმართველომ გაავრცელა ინფორმაცია, რომ ხერსონი უკრაინის კონტროლის ქვეშ ბრუნდებოდა, ქალაქში უკრაინის შეიარაღებული ძალების ქვედანაყოფები შედიოდნენ.
ავტორი: ექსპრესნიუსი,
epn.ge (@expressnews.ge)
