კრემლის მაღალჩინოსნებმა უკრაინაში ბირთვული იარაღის გამოყენებასთან დაკავშირებით  რიტორიკის დეესკალაცია დაიწყეს,- აღნიშნულის შესახებ ინფორმაციას აშშ-ის ომის შემსწავლელი ინსტიტუტი (ISW) ავრცელებს.

მათი ცნობით, რიტორიკის ცვლილება მიუთითებს იმაზე, რომ რუსი სამხედროების მაღალჩინოსნებმა და კრემლის ოფიციალური პირებმა, სავარაუდოდ, გარკვეულწილად იცოდნენ უკრაინის ან ნატო-ს ქვეყნების წინააღმდეგ ბირთვული იარაღის გამოყენების უზარმაზარი ხარჯები, რაც რუსეთისთვის მცირე ოპერაციულ სარგებელს წარმოადგენს.

შეგახსენებთ, რომ რუსეთის პრეზიდენტი ვლადიმერ პუტინი და მისი ოფიციალური პირები არაერთხელ მიმართავდნენ უკრაინის წინააღმდეგ ბირთვული იარაღის გამოყენების მუქარას და ასევე მიუთითებდნენ დასავლეთის ქვეყნებზე დარტყმის შესახებ.

21 სექტემბერს რუსეთის პრეზიდენტმა გამოაცხადა, რომ რუსეთის ფედერაციის ტერიტორიული მთლიანობის სავარაუდო საფრთხის შემთხვევაში, გამოიყენებდა ყველა შესაძლო საშუალებას.

ამასთან, ნატო ირწმუნება, რომ კრემლმა იცის ბირთვული იარაღის გამოყენების საშინელი შედეგები.

გარდა ამისა, ყირიმის ხიდის დაზიანების შემდეგ, კრემლმა თავი აარიდა პირდაპირი პასუხის გაცემას ბირთვული იარაღის გამოყენების საკითხზე მსგავსი მოვლენების საპასუხოდ.

მოგვიანებით, რუსეთის საგარეო საქმეთა მინისტრმა, სერგეი ლავროვმა განაცხადა, რომ ბირთვული დოქტრინა უკრაინის დროებით ოკუპირებულ ტერიტორიებზეც გავრცელდება.

ამავდროულად, პრეზიდენტი ვოლოდიმირ ზელენსკი თვლის, რომ ბირთვული იარაღის გამოყენება ფრონტზე არსებულ ვითარებაზე გავლენას არ მოახდენს.

ავტორი: ექსპრესნიუსი,

სოციალური ქსელები

ირანმა რუსი უმდიდრესი ოლიგარქის იახტას ჰორმუზის სრუტის გავლით ნება დართო

რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times

კობახიძე - ყველა პარამეტრით ვუსწრებთ უკრაინას და მოლდოვას

ზურაბიშვილი ქართველი მებრძოლების ჩამოსვენებაზე - საპატიო ყარაული არ არის, დიდი სირცხვილია