აგრესორ ქვეყანაში, რუსეთში დღეს ე.წ ეროვნული ერთიანობის დღე აღინიშნება. ამასთან დაკავშირებით, რუსეთის ფედერაციის უშიშროების საბჭოს თავმჯდომარის მოადგილემ, დიმიტრი მედვედევმა Telegram-ზე კიდევ ერთი პოსტი გაავრცელა. 

როგორც მედვედევი წერს, რუსეთი ტერიტორიისთვის არ იბრძვის, არამედ „ადამიანებს იცავს“, მაშინ როდესაც მშვიდობიანი მოქალაქეები რუსეთის ფედერაციის მიერ უკრაინის წინააღმდეგ გაჩაღებული ომის მსხვერპლნი ხდებიან, რადგან პუტინის სამხედროები სამოქალაქო ობიექტებს რაკეტებითა და კამიკაძე-დრონებით ესხმიან თავს. 

"ჩვენ არ გვჭირდება უცხო ტერიტორიები, ყველაფერი უხვად გვაქვს. მაგრამ არსებობს ჩვენი მიწა, რომელიც ჩვენთვის წმინდაა, რომელზეც ჩვენი წინაპრები ცხოვრობდნენ და რომელზედაც დღეს ჩვენი ხალხი ცხოვრობს და რომელსაც არავის მივცემთ. ჩვენ მას ვიცავთ. ვიბრძვით ჩვენი ხალხისთვის, მიწისთვის, ათასწლიანი ისტორიისთვის“, - განაცხადა მედვედევმა.

მისი თქმით, კრემლი ებრძვის მათ, „ვინც კრძალავს მათ ენას, ღირებულებებს, რწმენას დაუნერგავს სიძულვილს სამშობლოს ისტორიის მიმართ“.

”ჩვენს წინააღმდეგ დღეს მომაკვდავი სამყაროს ნაწილი დგას. ეს არის გიჟი ნაცისტების თაიგული, მათ მიერ დაშინებული ადამიანები, მყეფარე ძაღლების დიდი ფარა დასავლური ბუჩქიდან. მათთან ერთად არის „ღრიანცელი ღორების ჭრელი შეკვრა“ და დანგრეული დასავლეთის იმპერიის ვიწრო მოაზროვნე მკვიდრნი, რომელთაც გადაგვარებისგან ნერწყვი ნიკაპზე მიედინება”,- წერს მედვედევი.

მედვედევის თქმითვე, ზოგიერთმა ქვეყანამ რუსეთს ზურგი აქცია, გააკრიტიკა ისინი და "მშიშარა მოღალატეები" და "ხარბი დევნილები" უწოდა.

„ჩვენ გვაქვს შესაძლებლობა, მტერი ჯოჯოხეთში გავაგზავნოთ, მაგრამ ეს არ არის ჩვენი ამოცანა... მიზანია გავაჩეროთ ჯოჯოხეთის უზენაესი მმართველი, არ აქვს მნიშვნელობა რა სახელს გამოიყენებს იგი - სატანა, ლუციფერი თუ იბლისი. მისი მიზანია სიკვდილია, ჩვენი კი სიცოცხლეა. მისი იარაღი რთული ტყუილია, ხოლო ჩვენი კი სიმართლე",- დასძინა მედვედევმა.

ცნობისთვის, მანამდე მედვედევმა განაცხადა, რომ რუსეთის ფედერაციამ არ გამოიყენა ყველა მოთხოვნადი იარაღი უკრაინის სახელმწიფოსთან დაპირისპირებისას და ახალი მუქარით იფეთქა. ამასთან, უკრაინის უსაფრთხოების ხელშეკრულების დოკუმენტს  "მესამე მსოფლიო ომის პროლოგი" უწოდა.

გარდა ამისა, რუსეთის ფედერაციის ყოფილ პრეზიდენტს ისტერიკა დაემართა ზელენსკის კრემლთან მოლაპარაკებაზე უარის გამო. 

ზელენსკიმ თქვა, რომ არ ჩაერთვება დიალოგში მათთან, ვინც ულტიმატუმებს აყენებს.

ახლანდელი „ულტიმატუმები“ ბავშვების გახურებაა მომავლის მოთხოვნებისთვის. მან იცის ეს: კიევის რეჟიმის სრული კაპიტულაცია რუსეთის პირობებით”,- წერს მედვედევი.

ამასთან, უკრაინასთან მოლაპარაკების შემთხვევაში, რუსეთი უსაფრთხოების გარანტიებსა და პირობებს მოითხოვს.

ავტორი: ექსპრესნიუსი,

სოციალური ქსელები

სამარაში უკრაინელებმა დააზიანეს ცენტრი რომელიც „სოიუზის“ რაკეტების მიკროელექტრონული კომპონენტებს აწყობს

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა