სომხეთში ჩასვლა ამიკრძალეს,- ამის შესახებ კრემლის პროპაგანდისტი, სამთავრობო ტელეარხი Russia Today-ს მთავარი რედაქტორი, მარგარიტა სიმონიანი საკუთარ Telegram-ზე წერს.

სიმონიანი გამოეხმაურა რუსეთის სახელმწიფო დუმაში დსთ-ს საკითხებში კომიტეტის თავმჯდომარის მოადგილის, კონსტანტის ზატულინის ამბავს, რომლის ვიზიტიც სომხეთში "არასასურველად" მიიჩნიეს.

„კონსტანტინ ზატულინს, რომელიც მრავალი წლის განმავლობაში მტკიცედ უჭერდა სომხეთს მხარს, სომხეთის ამჟამინდელმა უფროსმა სომხეთში შესვლა აუკრძალა. სხვათა შორის, მეც”,- წერს სიმონიანი.

აღსანიშნავია, რომ სიმონიანისთვის დაწესებული აკრძალვის შესახებ სომხეთის მთავრობას ინფორმაცია არ გაუვრცელებია.

ცნობისთვის, 25 ოქტომბერს ზატულინმა გამოაქვეყნა სომხეთის პარლამენტისგან მიღებული წერილი, რომლის მიხედვითაც, მისი ბოლო განცხადებები ერევნისა და მოსკოვის მეგობრული და სამოკავშირო ურთიერთობის განვითარებას ზიანს აყენებს და მისი სომხეთში ჩასვლა არაა სასურველი. ზატულინი ბოლო პერიოდში სომხეთის მთავრობას აქტიურად აკრიტიკებდა.

ზატულინი ახლო მომავალში ერევანში ჩასვლას და ლაზარევის კლუბის შეხვედრაში მონაწილეობას აპირებდა. ეს არის სომხეთისა და რუსეთის საზოგადოების წარმომადგენლების არაფორმალური შეხვედრა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს