რუსეთის თავდაცვის მინისტრი, სერგეი შოიგუ საფრანგეთის , თურქეთის , დიდი ბრიტანეთისა და  შეერთებული შტატების თავდაცვის მინისტრებს დაუკავშირდა. თითოეულ მათგანთან შოიგუმ განიხილა „სიტუაცია“ უკრაინაში, რომელსაც „მუდმივი ტენდენცია აქვს შემდგომი, უკონტროლო ესკალაციისკენ“.

საფრანგეთის, თურქეთისა და დიდი ბრიტანეთის წარმომადგენლებთან მოლაპარაკებების დროს რუსეთის თავდაცვის მინისტრმა განაცხადა, რომ „უკრაინის მხრიდან იგეგმება შესაძლო პროვოკაცია „ბინძური ბომბის“ გამოყენებით“. რუსეთის ფედერაციის თავდაცვის სამინისტრომ არ წარმოადგინა რაიმე მტკიცებულება ამ ვერსიის დასადასტურებლად. 

მინისტრი შოიგუ ამტკიცებდა, რომ უკრაინა, დასავლეთის ქვეყნების, მათ შორის დიდი ბრიტანეთის დახმარებით, გეგმავს მოქმედებებს, რომლებიც მიმართულია უკრაინაში კონფლიქტის ესკალაციისკენ. ბრიტანეთის თავდაცვის მდივანმა  უარყო ეს ბრალდებები და მოუწოდა სერგეი შოიგუს არ გამოიყენოს მსგავსი განცხადებები, რადგან ეს შეიძლება კიდევ უფრო დიდი ესკალაციის საბაბი გახდეს. 

თურქეთის თავდაცვის მინისტრმა, თავის მხრივ, სერგეი შოიგუს უთხრა, რომ ანკარა მზადაა დაეხმაროს რეგიონს სტაბილურობის აღდგენაში. 

შეერთებული შტატების, დიდი ბრიტანეთისა და საფრანგეთის საგარეო საქმეთა მინისტრებმა განაცხადეს, რომ არ სჯერათ სერგეი შოიგუს სიტყვების. ამის შესახებ ნათქვამია მათ ერთობლივ განცხადებაში , რომელიც მომზადებულია შოიგუსთან მოლაპარაკების შემდეგ.

 „ჩვენმა ქვეყნებმა ნათლად განაცხადეს, რომ ჩვენ ყველანი ვუარყოფთ რუსეთის აშკარად ცრუ განცხადებებს, რომ უკრაინა ემზადება „ბინძური ბომბის“ გამოსაყენებლად საკუთარ მიწაზე. მსოფლიო დაინახავს ნებისმიერ მცდელობას, გამოიყენოს ეს განცხადება ესკალაციის საბაბად“, - ნათქვამია განცხადებაში.

უკრაინის ხელისუფლებამ "ბინძური ბომბის" შესახებ გავრცელებულ ინფორმაციას სიცრუე უწოდა - „ჩვენ არ გვაქვს რაიმე „ბინძური ბომბები“ და არ ვგეგმავთ მათ... რუსები ხშირად ადანაშაულებენ სხვებს იმაში, რასაც თავად გეგმავენ“

ავტორი: ექსპრესნიუსი,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით