საქართველოს თავდაცვის მინისტრმა ლატვიის ახალ ელჩთან გაცნობითი ხასიათის შეხვედრა გამართა. შეხვედრაზე ჯუანშერ ბურჭულაძემ ედიტე მედნეს ახალ პოზიციაზე დანიშვნა მიულოცა, წარმატებები უსურვა და იმედი გამოთქვა, რომ ორ ქვეყანას შორის მჭიდრო და ნაყოფიერი თანამშრომლობა მომავალშიც გაგრძელდება. აღნიშნულ ინფორმაციას თავდაცვის სამინისტრო ავრცელებს.

უწყების ცნობით, მინისტრმა ლატვიას, როგორც სანდო პარტნიორსა და ახლო მეგობარს საქართველოს ტერიტორიული მთლიანობის, სუვერენიტეტისა და ევროატლანტიკურ სტრუქტურებში ინტეგრაციის გზაზე მტკიცე, თანმიმდევრული და გამორჩეული მხარდაჭერისთვის მადლობა გადაუხადა. მან ყურადღება თავდაცვის სფეროში თანამშრომლობის მზარდ დინამიკაზე გაამახვილა. ხაზგასმით აღინიშნა ორ ქვეყანას შორის სამხედრო განათლების კუთხით თანამშრომლობის, ნატო-საქართველოს არსებითი პაკეტის (SNGP) იმპლემენტაციის პროცესში ლატვიური მხარის დახმარებისა და ექსპერტების ჩართულობის, რიგაში მდებარე ნატოს სტრატეგიული კომუნიკაციების სრულყოფის ცენტრთან თანამშრომლობის მნიშვნელობა. 

შეხვედრაზე მხარეებმა ნატო-საქართველოს თანამშრომლობის მექანიზმებზე, ევროკავშირში ინტეგრაციის მიზნით განხორციელებულ პროცედურებზე, რეგიონში არსებულ უსაფრთხოების გარემოსა და საფრთხეებზე, ევროპაში უსაფრთხოების ახალ არქიტექტურასა და ამ კონტექსტში საქართველოს ეროვნულ უსაფრთხოებაზე იმსჯელეს. 

ედიტე მედნე საქართველოში ლატვიის რესპუბლიკის საგანგებო და სრულუფლებიანი ელჩის თანამდებობაზე მიმდინარე წლის აგვისტოში წარადგინეს. მან საქართველოში ელჩის პოზიციაზე დიპლომატი ინგრიდა ლევრენსი შეცვალა.

ავტორი: NS (სტატია დაფინანსებულია),

სოციალური ქსელები

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის

რუსეთში იმპორტირებული ინდური ბენზინი რუსულ ბენზინზე ორჯერ ძვირი აღმოჩნდა

დეზინფორმაციული კამპანიით ცდილობენ ეჭვქვეშ დადგეს გელათის გადახურვის საკითხი – კომიტეტი

კობა ფარტენაძის თქმით, მას ბათუმში თავს კიდევ ერთხელ დაესხნენ