Nord Stream-ზე ბოლო დივერსიის შემდეგ, ჩრდილოატლანტიკური ალიანსი ინფრასტრუქტურის დაცვას განიხილავს. ამის შესახებ ნატო-ს გენერალურმა მდივანმა, იენს სტოლტენბერგმა განაცხადა. 

მისი თქმით, ეს 12-13 ოქტომბერს უნდა მოხდეს.

„ნატოს თავდაცვის სამინისტროს ხელმძღვანელები განიხილავენ კრიტიკული ინფრასტრუქტურის დაცვას ჩრდილოეთ სტრიმზე დივერსიის ფონზე. ჩვენ კიდევ უფრო გავზრდით ჩვენი კრიტიკული ინფრასტრუქტურის დაცვას”, - დასძინა გენერალურმა მდივანმა.

სტოლტენბერგმა ასევე აღნიშნა, რომ ნატო ელოდება გამოძიების შედეგებს Nord Stream-ზე დივერსიის შესახებ.

ცნობისთვის, 27 სექტემბერს Nord Stream 1 და Nord Stream 2 მილსადენების სამ ადგილას გაზის გაჟონვა დაფიქსირდა. მოგვიანებით შვედეთში გაზის გაჟონვის კიდევ ერთი წყარო აღმოაჩინეს .

შვედი სეისმოლოგების აზრით, გაჟონვა შეიძლებოდა მომხდარიყო წყალქვეშა აფეთქებების შედეგად , რომლებიც დაფიქსირდა იმ ტერიტორიაზე, სადაც გადის გაზსადენები.

ნატო ასევე თვლის, რომ გაზის გაჟონვა ჩრდილოეთ ნაკადის განშტოებაზე დივერსიის შედეგად მოხდა .

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის