ახალმა ზელანდიამ რუსეთის წინააღმდეგ დაწესებული სანქციების სია გააფართოვა. "ბიბისის" რუსულენოვანი სამსახურის ინფორმაციით, სანქციების სიას დაემატა 75 პირი, მათ შორის 51 მოქალაქე და 24 მაღალჩინოსანი, რომლებიც უკრაინის რეგიონების ანექსიასთან არიან დაკავშირებული. შეზღუდვები ასევე შეეხო ორ კომპანიას. 

ახალი ზელანდიის მიერ სანქცირებულთა სიაში შედიან: "გაზპრომბანკის" გამგეობის თავმჯდომარე ანდრეი აკიმოვი, "ლუკოილის" ყოფილი პრეზიდენტი ვაგიტ ალეკპეროვი, "ვნეშეკონომბანკის" თავმჯდომარე სერგეი გორკოვი, "როსობორონექსპორტის" აღმასრულებელი დირექტორი ალექსანდრე მიხეევი და სხვები.

ახალი ზელანდიის მთავრობის წარმომადგენელი აცხადებს, რომ აპრილში რუსეთის წინააღმდეგ დაწესებული სანქციების გამო, რუსეთიდან იმპორტი 75%-ით შემცირდა. 

„აპრილში ჩვენი ზომების შემოღების შემდეგ, რუსეთსა და ახალ ზელანდიას შორის ვაჭრობა უკვე საგრძნობლად შემცირდა - იმპორტი შემცირდა 75%-ით. დღევანდელი დამატებითი შეზღუდვები კიდევ უფრო გააძლიერებს ჩვენს გზავნილს რუსეთის მიმართ, რომ ჩვენ არ დავაფინანსებთ და არ დავუჭერთ მხარს რუსეთის სამხედრო მანქანას", - განაცხადა ახალი ზელანდიის ვაჭრობის მინისტრმა, დემიენ ოკონორმა.

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის