2022-09-29 19:01:21, 773 ნახვა
პოლიტიკა
პოლონეთის საელჩო ლუკაშენკოზე - მტკიცედ ვდგავართ საქართველოს გვერდით ამ პროვოკაციისას
ალექსანდრე ლუკაშენკოს ვიზიტი აფხაზეთში სრულად უგულებელყოფს საქართველოს ტერიტორიულ მთლიანობასა და სუვერენიტეტს. - ამის შესახებ საქართველოში პოლონეთის საელჩომ განაცხადა.
მათივე თქმით, ისინი კატეგორიულად გმობენ ქართული და საერთაშორისო სამართლის ამ უხეშ დარღვევას.
"ალექსანდრე ლუკაშენკოს ვიზიტი აფხაზეთში სრულად უგულებელყოფს საქართველოს ტერიტორიულ მთლიანობასა და სუვერენიტეტს. ჩვენ კატეგორიულად ვგმობთ ქართული და საერთაშორისო სამართლის ამ უხეშ დარღვევას და მტკიცედ ვდგავართ საქართველოს გვერდით ამ პროვოკაციისას". - ნათქვამია განცხადებაში.
შეგახსენებთ, რომ ბელარუსის პრეზიდენტი ვიზიტით ოკუპირებულ აფხაზეთში 28 სექტემბერს ჩავიდა. ალექსანდრე ლუკაშენკომ ოკუპირებული აფხაზეთი უკვე დატოვა.
ავტორი: ექსპრესნიუსი,
epn.ge (@expressnews.ge)
