საქართველოს თავდაცვის მინისტრმა ტელეკომპანია "პოსტვ"-ის გადაცემა "პოლიტიკურ ინტერვიუში" ცალკეული მედიასაშუალებების მხრიდან ჯარის მიზანმიმართულ დისკრედიტაციაზე ისაუბრა.

ჯუანშერ ბურჭულაძის განცხადებით, ჯარის განვითარებისათვის ყველა მიმართულებით გარდამტეხი ნაბიჯები გადაიდგა. ზოგიერთი ჟურნალისტის დაუსაბუთებელ კრიტიკასთან დაკავშირებით კი, მან ანალოგი ისტორიიდან დაასახელა: "დღევანდელ მოვლენებსა და ერეკლე მეორის დროინდელ მოვლენებს შორის პარალელი შეიძლება გავავლოთ, როდესაც სხვადასხვა, არ აქვს მნიშვნელობა, საზოგადოების ოფიციალური თუ არაოფიციალური წევრები ამბობდნენ, რომ ერეკლე მეორეს არ ჰყავს მეზარბაზნეები. ეს რას ემსახურება მარტივი მისახვედრია. ეს არის მესიჯი ჩვენს მტრებთან, რომ ქართულ ჯარში არის პრობლემები. ეს ასე ნამდვილად არ არის. ჩვენ ძალისხმევას ნამდვილად არ ვიშურებთ. პრემიერის თავდაცვის მინისტრად დანიშვნის შემდეგ, ფაქტობრივად, გარდამტეხი ნაბიჯები გადაიდგა ქართულ ჯარში როგორც სოციალური, შეიარაღების და, ზოგადად, ყველა მიმართულებით. თავისუფლად შეიძლება ვთქვათ, რომ ის დანაპირები, რაც ჯარის მიმართ პრემიერის დროს გაიცა, ყველაფერი ზედმიწევნით შესრულდა", -აღნიშნა მან.

ჯუანშერ ბურჭულაძემ ინტერვიუში ქართული ჯარის მიმართ წარმოებულ ორკესტრირებულ კამპანიაზე, უარგუმენტო კრიტიკაზე, უდანაშაულობის პრეზუმფციის დარღვევასა და ჯარის საზოგადოებისგან გაუცხოებაზე ისაუბრა.

ავტორი: NS (სტატია დაფინანსებულია),

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა