“მე ვთხოვ და ვურჩევ ყველას, რომ თუნდაც იყვნენ რადიკალური ოპოზიცია, ნუ აზიანებენ ჩვენს სახელმწიფო ინტერესებს - ამის შესახებ თავდაცვის მინისტრმა ტელეკომპანია “პოსტვ”-ის ეთერში განაცხადა და მოუწოდა ცალკეული ტელეკომპანიებისა და ოპოზიციური პარტიის წევრებს, არ დააზიანონ სახელმწიფო ინტერესები. თავდაცვის მინისტრი მასზე და ქართულ ჯარზე გაკეთებულ ფეიქ სიუჟეტებს გამოეხმაურა და კიდევ ერთხელ აღნიშნა, რომ გარკვეული პირები ცდილობენ ამით სამხედროებს შორის შუღლი გააღვივონ. 

„მე ვეცდები, რომ თავი დავიცვა სამართლებრივ ჩარჩოებში, თუმცა, კიდევ ერთხელ თქვენთანაც მინდა დავაფიქსირო, მე არასდროს არ დამიმალავს, რომ საკმაოდ შეძლებული ოჯახიდან ვარ. ის ფაქტები, რაც მოიყვანეს აბსოლუტურად აბსურდულია. ქონება, რომელიც დაასახელეს იყო ან ჩემი ხელისუფლებაში მოსვლამდე შეძენილი, ან საერთოდ მანამდე. მით უმეტეს, ჩემი ოჯახის წევრები, რომლებიც ფორმალურად ჩემი დეკლარანტები არ არიან და აბსოლუტურად დამოუკიდებელი პირები არიან, მათი გარევა, დისკრედიტაცია და შეურაცხყოფის მიყენება, რა თქმა უნდა, უნდა იყოს დასჯადი. დასჯადი მე ვგულისხმობ, რომ პასუხი უნდა აგონ ამაზე აუცილებლად. თქვენ ახსენეთ რადიკალური ოპოზიცია და მე უფრო მკაცრი ვიქნებოდი და ამ რადიკალური ოპოზიციიის იქით არსებობს ძალები, რომლებიც არიან ჩვენი მტრები. სხვას მე ვერაფერს ვერ დავარქმევ იმის მცდელობას, რომ ჯარისკაცს გაუღვივონ შუღლი ქვეყნის წინააღმდეგ. ამ კამპანიის ძირითადი ამოცანა არის ეს, რომ ჯარისკაცებში დათესონ შუღლი. აბა როგორ შეიძლება ახლა, რომ ამ ხალხს და ამ კამპანიას უწოდო რადიკალური ოპოზიცია, ეს ბევრად უარესი შემთხვევაა, ვიდრე რადიკალური ოპოზიცია. ასე რომ მე ვთხოვ და ვურჩევ ყველას, რომ თუნდაც იყვნენ რადიკალური ოპოზიცია, მაგრამ ნუ აზიანებენ ჩვენს სახელმწიფო ინტერესებს. მათი ძირითადი მოვალეობა და მიზანი არის ჩვენი სახელმწიფოებრივი ინტერესის დაზიანება. ეს არ არის რადიკალური ოპოზიცია, ეს არის მტრობა ქვეყნის. ჩვენ ავიტანთ იმას რისი ვალდებულებაც გვაქვს, პირადად ჩვენ, მაგრამ როდესაც ვხედავთ, რომ აზიანებენ პოპულარულ ინსტიტუციას, აზიანებენ ქვეყნის ყველა იმ ინსტიტუციას, რომელმაც უნდა დაიცვას ქვეყნის უსაფრთხოება, ეს არ ნიშნავს რადიკალურ ოპოზიციას, ეს ნიშნავს ქვეყნის მტრობას. სხვა მე ვერ წარმომიდგენია, რა შეიძლება იყოს ქვეყნის მტრობა“, - განაცხადა თავდაცვის მინისტრმა.

ავტორი: NS (სტატია დაფინანსებულია),

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა