კულტურის სამინისტროს ბიუჯეტი არ არის დიდი, მაგრამ ვერ ვიტყოდი, რომ ის იმდენად მწირი ყოფილა, რომ არ შეიძლება ბევრი აკეთო, - ამის შესახებ კულტურის, სპორტისა და ახალგაზრდობის მინისტრმა, თეა წულუკიანმა  „მინისტრის საათის“ ფორმატში პარლამენტში სიტყვით გამოსვლისას განაცხადა. 

მისი თქმით, პროექტი ბევრია, საბანი არის ერთი და ეს საბანი მაქსიმალურად ბევრ ადამიანს და პროექტს უნდა ეყოს. 

"რაც შეეხება, პროექტების დაფინანსებას, ჩვენ სულ გვესმის და მე ვადასტურებ, რომ კულტურის სამინისტროს ბიუჯეტი არ არის დიდი, მაგრამ ვერ ვიტყოდი, რომ ის იმდენად მწირი ყოფილა, რომ არ შეიძლება ბევრი აკეთო. უბრალოდ, არ უნდა მოგერიდოს იმის, რომ იმ ადამიანებს, ვინც მიჩვეულები არიან, მიუხედავად ჩემი დიდი პატივისცემისა, გარანტირებულად ყოველ წელს მიეღოთ თანხები, აწყენინო ცოტა, ცოტა და გადარჩენილი თანხებით დააფინანსო სხვა პროექტები. იმიტომ, რომ პროექტი ბევრია, საბანი არის ერთი და ეს საბანი მაქსიმალურად უნდა შევეცადო, რომ ეყოს ბევრ ადამიანს, პროექტს, ამ შემთხვევაში",- ამბობს წულუკიანი. 

ცნობისთვის, საქართველოს ვიცე-პრემიერის, კულტურის, სპორტისა და ახალგაზრდობის მინისტრის, თეა წულუკიანის მოსმენა „მინისტრის საათის“ ფორმატში მიმდინარეობს. მინისტრის მოხსენების შემდეგ კითხვა-პასუხისა და დებატების პროცედურა გაიმართება.

„მინისტრის საათი“ საპარლამენტო კონტროლის მექანიზმია, რომელიც მთავრობის წევრის მიერ წელიწადში ერთხელ პლენარულ სხდომაზე მისვლას და სამთავრობო პროგრამის შესაბამისი მიმართულების შესრულების შესახებ მოხსენებით გამოსვლას გულისხმობს.

ავტორი: ექსპრესნიუსი,

სოციალური ქსელები

ბარნის“ ორცხობილა შეჭამა, ამის გამო ქმარმა ცემაში მოკლა - 19 წლის დედის გარდაცვალებამ ყაზახეთი შეძრა

თურქეთმა რუსული S-400 რაკეტებისთვის მყიდველების პოვნა ვერ შეძლო და მათ ჯართში ჩაბარებას გეგმავს

ნატომ რუსეთთან ომის შემთხვევაში გეგმა შეიმუშავა

რუსეთის უზენაესმა სასამართლომ პარტია „იაბლოკო“-ს არჩევნებში მონაწილეობა საბოლოოდ აუკრძალა