2022-09-15 20:47:43, 893 ნახვა
პოლიტიკა
ევროპარლამენტმა უკრაინისთვის მიკრო-ფინანსური სესხის სახით €5 მილიარდი დაამტკიცა
უკრაინისთვის მიკრო-ფინანსური სესხის სახით €5 მილიარდი დავამტკიცეთ. - ამის შესახებ ინფორმაციას ევროპარლამენტი ავრცელებს.
მათივე თქმით, ეს ევროკავშირის €9-მილიარდიანი დახმარების პაკეტის მეორე ნაწილია.
""უკრაინის გარე დაფინანსების მოთხოვნილებები სწრაფად გაიზარდა რუსეთის თავდასხმის გამო. გზების, ხიდების, ქარხნების, სახლების, საავადმყოფოების და სხვა ფიზიკური ინფრასტრუქტურისთვის უზარმაზარი ზიანის გარდა, ქვეყანამ ასევე დაკარგა წვდომა საერთაშორისო ფინანსურ ბაზრებთან". - ნათქვამია განცხადებაში.
შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.
ავტორი: ექსპრესნიუსი,
epn.ge (@expressnews.ge)
