2022-08-31 12:31:46, 1154 ნახვა
საზოგადოება
ქუთაისში, მოსწავლე ახალგაზრდობის პარკში რუსეთის დროშა აღმართეს
ქუთაისში, მოსწავლე ახალგაზრდობის პარკში რუსეთის დროშა აღმართეს. აღნიშნულის შესახებ ვიდეო სოციალურ ქსელში გავრცელდა.
ოკუპანტის დროშა საქართველოს დროშის გვერდით რამდენიმე საათის განმავლობაში ფრიალებდა, რომელიც მოგვიანებით დაცვის სამსახურის თანამშრომლებმა ჩამოხსნეს.
„საქართველომ უნდა იცხოვროს რუსეთის დროშის ქვეშ. ეს არის 100%-იანი, არავითარი ევროპა"- განაცხადა რუსეთის მოქალაქემ.
როგორც პარკის ადმინისტრაციაში განაცხადეს, შემთხვევა არასამუშაო საათებში მოხდა.
მათივე ინფორმაციით, პარკის ამ ტერიტორიაზე არც კამერები მუშაობს რემონტის გამო. გარდა ამისა, პარკის ადმინისტრაციას არც პოლიციისთვის მიუმართავს.
ავტორი: ექსპრესნიუსი,
epn.ge (@expressnews.ge)
