ბოლო დროს გახშირდა თურქულ-ქართულ საავტომობილო გამშვებ პუნქტ სარფში (ხოფა, ართვინის პროვინცია, თურქეთი) საქართველოს ტერიტორიაზე რუსეთის მოქალაქეების შემოსვლაზე უარის თქმის შემთხვევები, - ამის შესახებ ინფორმაციას რუსეთის გენერალური საკონსულო ტრაპიზონში ავრცელებს. 

როგორც მათ მიერ გავრცელებულ განცხადებაში ვკითხულობთ, ქართველი მესაზღვრეების უარი, როგორც წესი, "არაფრით არ არის დასაბუთებული" და უარის მიზეზები არ არის განმარტებული.

მათივე ცნობით, რუსეთის მოქალაქეებს შორის, რომლებსაც საქართველოს ტერიტორიაზე არ უშვებენ, არიან ჩრდილოეთ კავკასიის ფედერალური ოლქის მაცხოვრებლები, ყირიმის რესპუბლიკის მაცხოვრებლები, დონბასის მოქალაქეები, რომლებსაც ასევე აქვთ რუსეთის მოქალაქეობა.

"ხშირად „რეფუზენიკების“ რიცხვში მოხვდებიან რუსეთის ფედერაციის სხვა რეგიონებში მცხოვრები რუსეთის მოქალაქეებიც, რომლებიც თურქეთში კერძო მანქანით ჩავიდნენ. ამ შემთხვევაში თურქეთიდან მანქანის ექსპორტის ერთადერთი ლეგალური ვარიანტია სატრანსპორტო კომპანიის მომსახურება (რუსეთში მანქანის ტრანსპორტირების ფასი 2900 აშშ დოლარიდან).

მიმდინარე წლის აგვისტოში გენერალური საკონსულო საქართველოში შესვლაზე უარის თქმის შემთხვევებს თითქმის ყოველდღიურად აფიქსირებს",- წერია განცხადებაში. 

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა