ინდონეზიის პრეზიდენტი - Xi და პუტინი G20-ს დაესწრებიან

2022-08-19 10:33:11, 804 ნახვა

ჩინეთის და რუსეთის ლიდერები სი ძინპინგი და ვლადიმერ პუტინი G20-ის სამიტს ბალიში დაესწრებიან.

როგორც ინდონეზიის პრეზიდენტმა ჯოკო ვოდოდომ Bloomberg News-ს განუცხადა, პრეზიდენტმა პუტინმა სამიტზე დასწრების პირობა პირადად მისცა.

„ სამიტს სი ძინპინგი დაესწრება. პრეზიდენტმა პუტინმაც მითხრა, რომ მოვა“, - განაცხადა ვოდოდომ.

ინდონეზია G-20 თავმჯდომარეობს და დასავლეთის ქვეყნების მხრიდან ზეწოლას განიცდის, გაუუქმოს მოწვევა პუტინს უკრაინაში მისი ქვეყნის შეჭრის გამო.

ინდონეზიის პრეზიდენტი ცდილობდა, მეომარ ქვეყნებს შორის შუამავალი ყოფილიყო. ომის დაწყებდან, ვოდოდო უკრაინის და რუსეთის პრეზიდენტებს პირადად შეხვდა.

ძირითადი ქვეყნების ლიდერები, მათ შორის აშშ-ს პრეზიდენტი ჯო ბაიდენი, ინდონეზიის საკურორტო კუნძულ ბალიზე ნოემბერში გაემგზავრებიან. ინდონეზიამ სამიტზე ასევე მიიწვია უკრაინის პრეზიდენტი ვოლოდიმირ ზელენსკი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,