ირანის საგარეო რუშდიზე - მწერალი დამნაშავეა, სიტყვის თავისუფლება რელიგიის შეურაცხყოფას არ ამართლებს

2022-08-15 12:48:18, 1449 ნახვა

მსოფლიო

ირანის საგარეო საქმეთა სამინისტრო მწერალ სალმან რუშდიზე თავდასხმასთან დკავშირებით პირველ კომენტარს აკეთებს. ირანი თავდასხმის პროვოცირებაში მწერალსა და მის მხარდამჭერბს ადანაშაულებს.

სიტყვის თავისუფლება არ ამართლებს რუშდის ჩანაწერებში რელიგიის შეურაცხყოფას,- განაცხადა ირანის საგარეო საქმეთა სამინისროს სპიკერმა ნასერ ქანაანმა გამართულ ბრიფინგზე.

"ირანს არ აქვს სხვა ინფორმაცია რუშდის სავარაუდო თავდამსხმელის შესახებ, გარდა იმისა, რაც მედიაში გამოჩნდა,"- დასძინა სპიკერმა.

პრიზიორი მწერალი წლების განმავლობაში პოლიციის მფარველობაში ცხოვრობდა, მას შემდეგ რაც ირანელი ლიდერები რუშდის მოკვლით ემუქრებოდნენ მის რომანში „სატანური ლექსები“ ისლამისა და წინასწარმეტყველ მუჰამედის გამოსახვის გამო.

შეგახსენებთ, რომ ბრიტანელ-ამერიკელ მწერალ სალმან რუშდის, ნიუ-იორკის შტატში ჩატაქუას ინსტიტუტის ღონისძიებაზე გამოსვლისას თავს დაესხნენ,სცენაზე მდგომ რუშდის დანით შეიარაღებული უცნობი მამაკაცი თავს დაესხა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,