რუსეთის ფედერაცია უკრაინის პრეზიდენტის, ვოლოდიმირ ზელენსკის დისკრედიტაციისთვის საინფორმაციო კამპანიას ამზადებს,- აღნიშნულის შესახებ ინფორმაციას უკრაინის დაზვერვის მთავარი სამმართველო ავრცელებს.

უწყების ცნობით, რუსეთის ფედერაციის პრეზიდენტის ადმინისტრაცია შეთანხმდა სპეცსამსახურებთან დაკავშირებული ახალი სტრუქტურის შექმნაზე.

„რუსეთის ფედერაციის პრეზიდენტის ადმინისტრაცია შეთანხმდა სპეცსამსახურებთან დაკავშირებული ახალი სტრუქტურის შექმნაზე. მისი მთავარი ამოცანა იქნება საინფორმაციო „ქმედების“ განხორციელება, რომელიც მიზნად ისახავს უკრაინის პრეზიდენტის ვოლოდიმირ ზელენსკის დისკრედიტაციას დასავლეთ ევროპაში”,- აღნიშნულია უწყების განცხადებაში.

უკრაინის დაზვერვის მთავარი სამმართველოს თანახმად, შეიქმნება და გასაჯაროვდება ე.წ. „ზელენსკის ფონდის“ ყალბი პლატფორმა (ვებგვერდი). ამასთან, იგეგმება „ფონდის ასორტიმენტის ხაზის“ შექმნა და შემდგომ გამოცემა და მისი რეგისტრაცია ევროპის სავაჭრო სართულებზე. დაგეგმილია ფონდის ორგანიზაციული სტრუქტურის მუშაობის განვითარება ევროპის ქვეყნებში „ქსელური მარკეტინგის“ პრინციპით. რაც საშუალებას მისცემს ამ ინფორმაციის აქტიურად გავრცელებას ევროპულ მედია სივრცეში.

10 აგვისტოს მდგომარეობით, ამ პროექტის დაწყების ძირითადი მოსამზადებელი სამუშაოები დასრულებულია. კერძოდ:

• შეიქმნა ფონდის ვებგვერდი;
• სოციალურ ქსელებში გასავრცელებლად მომზადდა ფონდის შექმნის შესახებ ცნობილი მედიის პუბლიკაციების ყალბი სკრინშოტები;
• მომზადდა მასალების შემდგომი გავრცელებისთვის;
• ამასთან მომზადდა „მიმები“ და კომენტარები სხვადასხვა სოციალური ქსელებისთვის.

ამასთან, დაზვერვის წარმომადგენლები აღნიშნავენ, რომ უახლოეს მომავალში მოსალოდნელია პროექტის სრულფასოვანი დაწყება და ფართო მედია პოპულარიზაციის კამპანიის დაწყება.

„ჩვენ მოვუწოდებთ საერთაშორისო თანამეგობრობას, არ ენდოს რუსულ “ფეიკებს“ და მიიღოს ინფორმაცია მხოლოდ გადამოწმებული წყაროებიდან”,- განაცხადეს დაზვერვის წარმომადგენლებმა.

შეგახსენებთ, რომ უკრაინის საგარეო საქმეთა მინისტრი დმიტრი კულება თვლის, რომ ზამთრის პერიოდში რუსეთი ენერგეტიკული შანტაჟის გზით შეეცდება ძირი გამოუთხაროს ვითარებას ევროპაში. .

ავტორი: ექსპრესნიუსი,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება