საქართველოს პრეზიდენტმა სალომე ზურაბიშვილმა რუსეთის მიერ ოდესის პორტის დაბომბვას ძალადობის აქტი უწოდა. პრეზიდენტი ფაქტს „ტვიტერის“ გვერდზე გამოეხმაურა.

როგორც პრეზიდენტმა აღნიშნა,  საერთაშორისო შეთანხმების მიღწევიდან  ერთი დღის შემდეგ ოდესის პორტის დაბომბვა აჩვენებს, რომ სიტყვას და გლობალურ ჰუმანიტარულ ვითარებას  რუსეთისთვის არანაირი მნიშვნელობა არ აქვს.

„ოდესის დაბომბვა, მხოლოდ ერთი დღის შემდეგ, რაც შეთანხმება გაფორმდა უკრაინიდან მარცვლეულის ექსპორტის უზრუნველსაყოფად, ძალადობრივი აქტია, რომელიც დასაგმობია. ეს იმაზე მეტყველებს, რომ რუსეთი არანაირ მნიშვნელობას არ ანიჭებს არც საკუთარ სიტყვას და არც გლობალურ ჰუმანიტარულ და მიწოდებასთან დაკავშირებულ ვითარებას“, - განაცხადა სალომე ზურაბიშვილმა.

შეგახსენებთ, გუშინ რუსეთმა და უკრაინამ, გაეროსა და თურქეთის შუამავლობით, ხელი მოაწერეს შეთანხმებას ექსპორტის განახლების მიზნით შავი ზღვის პორტების გახსნის შესახებ, თუმცა მალევე რუსულმა ძალებმა ოდესის პორტის ინფრასტრუქტურაზე სარაკეტო თავდასხმა განახორციელეს.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე