უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი რუსი სამხედროების მიერ ხარკოვში მეჩეთის დაბომბვას „კლასიკურ რუსულ ფარისევლობას“ უწოდებს.

პოდოლიაკი დასძენს, რომ მაშინ, როდესაც რუსეთის პრეზიდენტი ვლადიმერ პუტინი ირანის უზენაეს ლიდერს, ალი ჰამენეის, ქედს უხრიდა და იარაღს სთხოვდა, მისი ბრძანებით უკრაინის ქალაქ ხარკოვში მეჩეთებს ბომბავდნენ.

"კლასიკური რუსული ფარისევლობა. მიბრძანდით თეირანში ირანის უზენაეს ლიდერს ალი ჰამენეის თაყვანისმცემლად და  მსოფლიოს მეორე არმიისთვის იარაღის სათხოვნელად და ამავე დროს თავს დაესხით მეჩეთს ხარკოვში. ბარბაროსებისთვის არაფერია წმინდა. მაგრამ გაიგებს ირანი კრემლის ამ ზიზღის ჟესტს,"- წერს პოდოლიაკი.

შეგახსენებთ, რომ  თურქეთის პრეზიდენტი რეჯეფ თაიფ ერდოღანი 18-19 ივლისს ებრაჰიმ რაისის მიწვევით ირანს ეწვია, სადაც რუსეთის პრეზიდენტი, ვლადიმერ პუტინიც იმყოფებოდა.იმავე დღეს, ერდოღანი და რუსეთის პრეზიდენტი ვლადიმერ პუტინი დაესწრნენ ასტანას ფორმატში მეშვიდე სამმხრივ შეხვედრას, რომელსაც ირანის პრეზიდენტმა უმასპინძლა.ორმხრივი ურთიერთობების გარდა, განხილულ იქნა რეგიონული და გლობალური საკითხებიც.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე