„დავიწყოთ იმაზე საუბრით ვის რაში შეიძლება სჭირდებოდეს სანქციები. თუ სანქციებზე სერიოზულად დაიწყებს ვინმე საუბარს, მაშინ ღრმავდება ის ეჭვები, რაც საზოგადოებაში ისედაც მუსირებს, რომ ვიღაცას რაღაც განსაკუთრებული უნდა კონკრეტულად ბიძინა ივანიშვილისგან, რაღაც კონკრეტულს სთხოვენ მას“- ამის შესახებ ირაკლი კობახიძემ გადაცემაში „იმედი LIVE“ განაცხადა. 

როგორც კობახიძემ აღნიშნა, სანქციების დაწესება გამოიწვევს კონტრპროდუქტიულ შედეგს მათ შორის, დავით არახამიასთვის. 

„ყველამ იცის, არავითარი ფაქტი არ არსებობს, რომ ბიძინა ივანიშვილი ჩართულია პოლიტიკაში და ეს კარგად იციან თვითონ იმ ადამიანებმა, რომლებმაც შეიძლება თეორიულად სანქციები დააწესონ. თუ ასეთი რამ თეორიულად მოხდა, მაშინ გამოდის, რომ მისგან ვიღაცას მართლა რაღაც კონკრეტული უნდა. რა შეიძლება უნდოდეთ, ამას შეგნებულად არ ვიტყვით დღეს, მაგრამ საზოგადოება დაახლოებით მიხვდება, რაზეც შეიძლება იყოს საუბარი. აქედან გამომდინარე, მე მგონია, რომ სანქციების დაწესება, ვინც არ უნდა გააკეთოს ეს, იქნება აბსოლუტურად კონტრპროდუქტიული იმიტომ, რომ ერთადერთი, ამით რაც შეიძლება მოხდეს გაიშიფრება გარკვეული ზრახვები, რაც საზოგადოებისთვის ის უკვე ბოლომდე ცხადი გახდება. ჩვენ ეს ვერავითარ ზიანს ვერ მოგვაყენებს. არახამია და მისნაირები ასეთი მცდელობებით ვერავითარ შედეგს ვერ მიაღწევენ, პირიქით, საპირისპირო შედეგი შეიძლება მიიღონ. რეალურად ისინი რაღაცით და რაღაცის გამო იმუქრებიან, ერთგვარი შანტაჟის სახე აქვს ამ ყველაფერს და რისთვის შეიძლება სჭირდებოდეთ  და რა მიზანი შეიძლება ჰქონდეს ამ შანტაჟს, ამაზეც საზოგადოებამ იმსჯელოს“- განაცხადა კობახიძემ.

ავტორი: ექსპრესნიუსი,

სოციალური ქსელები

ტრამპი აცხადებს, რომ თუ ირანთან შეთანხმებას 60 დღეში ვერ მიაღწევენ, აშშ დაბომბვას დაუბრუნდება

საქართველოს რკინიგზის საქმეზე ბრალდებულებს აღკვეთის ღონისძიებად პატიმრობა შეეფარდათ

ნანუკა ჟორჟოლიანი არ გამორიცხავს, ნაციონალური მოძრაობის თავმჯდომარეობისთვის იბრძოლოს

გოგა ხაინდრავამ ფორმულას უჩივლა, პროკურატურამ გამოძიება ცრუ დასმენის მუხლით დაიწყო