24 თებერვალს ომის დაწყების შემდეგ ვიძიებთ  რუსი სამხედროების მიერ ჩადენილ 21 000-ზე მეტ სამხედრო დანაშაულს- აცხადებს უკრაინის გენერალური პროკურორი ირინა ვენედიქტოვა.

BBC-სთან საუბრისას ვენედიქტოვამ განაცხადა, რომ ყოველდღიურად იღებს ცნობებს 200-დან 300-მდე სამხედრო დანაშაულის შესახებ.

მან აღიარა, რომ ბევრი სასამართლო პროცესი დაუსწრებლად ჩატარდება, მაგრამ ხაზგასმით აღნიშნა, რომ დევნის გაგრძელება "სამართლიანობის საკითხია".

 "რუსმა ჯარისკაცებმა, რომლებიც კლავდნენ, აწამებდნენ ან გააუპატიურეს მშვიდობიანი მოქალაქეები, უნდა გაიგონ, რომ მხოლოდ დროის საკითხია, როდესაც ისინი ყველანი იქნებიან სასამართლოში, ჩვენ ვმუშაობთ რეგიონებში თუმცა ვერ შევძელით ყველა საქმის სწორად და ეფექტურად  გამოძიება, ზოგიერთ ადამიანთან და ზონებთან წვდომის ნაკლებობის გამო."- განაცხადე პროკურორმა.

 ცნობისთვის, მაისში ვენედიქტოვამ განაცხადა, რომ 600-მდე ეჭვმიტანილი უკვე იდენტიფიცირებული იყო და 80-მდე საქმეზე სამართლებრივი  დევნა დაიწყო.

პირველ რუს ჯარისკაცს, რომელიც უკრაინაში გაასამართლეს, სერჟანტი ვადიმ შიშიმარინი, სამუდამო პატიმრობა მიესაჯა მშვიდობიანი მოქალაქის მკვლელობისთვის.

სისხლის სამართლის საერთაშორისო სასამართლომ უკრაინას უწოდა "დანაშაულის სცენა" და გაგზავნა ქვეყანაში დეტექტივების უდიდესი გუნდი, რათა დაეხმაროს მრავალ გამოძიებას.

თუმცა, რუსეთმა არაერთხელ უარყო ომის დანაშაულების ბრალდება.

ავტორი: ექსპრესნიუსი,

სოციალური ქსელები

კირილი იმედოვნებს, რომ საქართველოს მომავალი პატრიარქი უკრაინაზე პოზიციას არ შეიცვლის

ზურაბ პატარაძე აჭარის მთავრობის თავმჯდომარე გახდა

სინოდის სხდომას წილკნელი მიტროპოლიტი ზოსიმე არ ესწრება, ხმას 38 მღვდელმთავარი აძლევს

გლდანის რაიონში გაზმომარაგება ავარიულად 20 000 აბონენტს შეუწყდება