შსს კობი-გუდაურის გზაზე თოვლში ჩარჩენილ მოსახლეობას საკვებით მოამარაგებს

2015-01-06 15:01:29, 337 ნახვა

შინაგან საქმეთა მინისტრის ალექსანდრე ჭიკაიძის გადაწყვეტილებით, კობი-გუდაურის საავტომობილო მაგისტრალზე, თოვლში ჩარჩენილ მოსახლეობას საკვებით მოამარაგებენ.

ამის შესახებ ინფორმაციას შინაგან საქმეთა სამინისტროს პრესსამსახურის უფროსი ნინო გიორგობიანი ავრცელებს.

მისი ინფორმაციით, კობი-გუდაურის მიმართულებით პროდუქტებით დატვირთული ავტომობილები რამდენიმე საათში გავლენ.

„მინისტრის გადაწყვეტილებით კობი - გუდაურის საავტომობილო მაგისტრალზე თოვლში ჩარჩენილ მოსახლეობას საკვებით მოვამარაგებთ! საკვებით მომარაგება საჭიროების მიხედვით ამინდის გაუმჯობესებამდე გაგრძელდება! პროდუქტებით დატვირთული მანქანების კოლონა თბილისიდან რამდენიმე საათში გავა“, - წერს ნინო გიორგობიანი „ფეისბუქის“ საკუთარ გვერდზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან