უკრაინის წინააღმდეგ რუსეთის აგრესიული ომის კონტექსტში ევროკავშირმა მიიღო რიგი შემაკავებელი ზომები, რომელთა დარღვევაც  „ევროკავშირის დანაშაულთა“ ჩამონათვალში დაემატება,- აღნიშნულის შესახებ ევროსაბჭო განცხადებას ავრცელებს.

როგორც ევროსაბჭოს განცხადებაშია აღნიშნული, ეს უზრუნველყოფს სანქციების ანალოგიურ ხარისხს ევროკავშირის მასშტაბით და ხელს უშლის ევროკავშირის ზომების გვერდის ავლის ან დარღვევის მცდელობებს

„უკრაინის წინააღმდეგ რუსეთის აგრესიული ომის კონტექსტში ევროკავშირმა მიიღო რიგი შემაკავებელი ზომები და აუცილებელია ამ ზომების სრულად განხორციელება. ამჟამად წევრ ქვეყნებს აქვთ ძალიან განსხვავებული დეფინიციები იმის შესახებ, თუ რას წარმოადგენს შემაკავებელი ზომების დარღვევა და რა სასჯელები უნდა იქნას გამოყენებული დარღვევის შემთხვევაში. ამან შეიძლება გამოიწვიოს სანქციების აღსრულების სხვადასხვა ხარისხი და ამ ზომების გვერდის ავლა, რაც პოტენციურად საშუალებას მისცემს სანქცირებულ პირებს გააგრძელონ წვდომა მათ აქტივებზე და მხარი დაუჭირონ ევროკავშირის ზომების მიზნობრივ რეჟიმებს. შემაკავებელი ზომების დარღვევის „ევროკავშირის დანაშაულთა“ ჩამონათვალში დამატების ერთსულოვანი გადაწყვეტილება საშუალებას მისცემს, როგორც მეორე საფეხურს, მიღებულ იქნას დირექტივა, რომელიც შეიცავს მინიმალურ წესებს სისხლის სამართლის დანაშაულების განსაზღვრისა და ევროკავშირის შემზღუდავი ზომების დარღვევისთვის სასჯელის შესახებ. ეს უზრუნველყოფს სანქციების ანალოგიურ ხარისხს ევროკავშირის მასშტაბით და ხელს უშლის ევროკავშირის ზომების გვერდის ავლის ან დარღვევის მცდელობებს“,- აღნიშნულია განცხადებაში.

შეგახსენებთ, რომ ევროკავშირის ფუნქციონირების შესახებ ხელშეკრულების 83(1) მუხლის თანახმად, პარლამენტმა და საბჭომ შეიძლება დაადგინონ მინიმალური წესები სისხლის სამართლის დანაშაულებისა და სანქციების განსაზღვრასთან დაკავშირებით განსაკუთრებით მძიმე დანაშაულის სფეროებში, ტრანსსასაზღვრო განზომილებით. 

დანაშაულის სფეროებია: ტერორიზმი, ადამიანებით ვაჭრობა და ქალებისა და ბავშვების სექსუალური ექსპლუატაცია, ნარკოტიკების უკანონო ვაჭრობა, იარაღით უკანონო ვაჭრობა, ფულის გათეთრება, კორუფცია, გადახდის საშუალებების გაყალბება, კომპიუტერული დანაშაული და ორგანიზებული დანაშაული.

2022 წლის 25 მაისს ევროკომისიამ წარმოადგინა წინადადება გადაწყვეტილების შესახებ დანაშაულის ამ სფეროების სიის გაფართოების შესახებ ევროკავშირის მიერ მიღებული შემზღუდავი ზომების დარღვევის ჩათვლით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით