სირცხვილია სამთავრობო მედიას - რუსული კვალის ძიება საკუთარ კომპანიებში დაიწყეთ

2022-06-30 22:23:33, 1045 ნახვა

პოლიტიკა

რუსული კვალის ძიება საკუთარ კომპანიებში დაიწყეთ. - განაცხადა სირცხვილიამ სამთავრობო მედიის საპასუხოდ.

მათივე თქმით, სამთავრობო მედიები დეზინფორმაციას აგრძელებენ.

"ვეხმაურებით პოსტვ-ისა და იმედის “ექსკლუზივს”, სირცხვილიას ფეისბუქგვერდის რუსეთიდან მართვის შესახებ.
გვერდზე სხვადასხვა ტიპის წვდომა ჰქონდა 20-ზე მეტ ადამიანს/ორგანიზაციას/სარეკლამო ანგარიშს. ერთ-ერთმა ამ ექაუნთთაგანმა, როგორც ჩანს, სასაათო სარტყელის ან რეგიონის მითითების დროს მონიშნა რუსეთი (გაითვალისწინეთ ისიც, რომ მეტას გეოლოკაცია ჯერ კიდევ არ მუშაობს გამართულად და შეიძლება თქვენს მეგობრებშიც შეგხვედრიათ ფოთი რომ ბრაზილიას ეკუთვნის და ოზურგეთი მექსიკას
ექაუნთი უკვე წაშლილია გვერდიდან და დავტოვეთ მხოლოდ რამდენიმე ანგარიში, რომელსაც გვერდზე წვდომა შეუნარჩუნდა.
მივმართავთ პოსტვ-ის და ტელეკომპანია იმედს, თავი დაანებეთ სამარცხვინო სპეკულაციებს და რუსული კვალის ძიება საკუთარ კომპანიებში დაიწყეთ". - ნათქვამია განცხადებაში.

შეგახსნებთ, რომ დღეს სამთავრობო მედიამ გააჟღერა ინფორმაცია, რომლსი მიხედვითაც თითქოს ,,სირცხვილია" რუსეთიდან იმართება.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,