სოზარ სუბარმა, ხუნდაძემ და ყაველაშვილმა ,,ქართული ოცნება" დატოვეს

2022-06-28 21:00:58, 897 ნახვა

პოლიტიკა

სოზარ სუბარი, მიხეილ ყაველაშვილი და დიმიტრი ხუნდაძე „ქართულ ოცნებას" ტოვებენ. - ამის შესახებ პარტიის აღმასრულებელმა მდივანმა, მამუკა მდინარაძემ უმრავლესობის სხდომის დასრულების შემდეგ განაცხადა.

მისივე თქმით, ამის მიზეზი გახდა წევრებს შორის უთანხმოება, რომელიც შეეხებოდა პოლიტიკურ თემებზე საზოგადოების არასაკმარისად ინფორმირებას.

"ამის მიზეზი ძალიან მოკლედ, რომ გითხრათ გახდა ერთადერთი შეუთანხმებელი საკითხი დღევანდელ უმრავლესობის სხდომაზე, რაზეც წინა დღის განმავლობაშიც მიდიოდა პარტიაში დისკუსია, რომ დოზირება ინფორმაციისა, რაც ხდება პოლიტიკურ თემებთან მიმართებით ჩვენს ქვეყანაში, ჩვენს გუნდში არ არის საკმარისი იმისათვის, რომ საზოგადოება საქმის კურსში იყოს და სწორი დასკვნები გააკეთოს მათი აზრით.
მათ მიაჩნიათ, რომ ე.წ. კულისებიდან პოლიტიკური მოვლენების შესახებ მეტი ინფორმაცია უნდა ვრცელდებოდეს. მათ გადაწყვიტეს, რომ ამისათვის სჭრდებათ თავისუფალი პოლიტიკური მანდატი". - განაცხადა მდინარაძემ.

შეგახსენებთ, რომ დღეს 18:00 საათზე “ქართული ოცნება” - ის ცენტრალურ იფისში საგანგებო სხდომა მიმდინარეობდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,