ეს არ არის ავანსი უკრაინისთვის და არ არის წახალისება. ამ გადაწყვეტილებამდე უკრაინა 30 წელი მიდიოდა,- ამის შესახებ საქართველოში უკრაინის ელჩის მოვალეობის შემსრულებელმა ანდრი კასიანოვმა დღეს, 24 ივნისს, გამართულ პრესკონფერენციაზე განაცხადა.

კასიანოვის თქმით, მას შემდეგ, რაც უკრაინა გახდა ევროკავშირის წევრობის კანდიდატი, შეეძლება საკუთარი თავისა და საკუთარი ღირებულებების დაცვას, ის აღარ იქნება დამოკიდებული რუსეთის ენერგომატარებლებზე და უფრო სწრაფად შეძლებს გამოწვევებსა და საფრთხეებზე რეაგირების მოხდენას.

„ეს არ არის ავანსი უკრაინისთვის და არ არის წახალისება. ამ გადაწყვეტილებამდე უკრაინა 30 წელი მიდიოდა. ამისთვის უკრაინელი ხალხი გამოვიდა  მაიდანზე, ღირსების რევოლუციაზე, თავისუფალ ევროპაში თავისუფალი ქვეყნის უფლებისთვის. 120 დღეზე მეტი უკრაინა წინააღმდეგობას უწევს რუსეთის ფედერაციის შეიარაღებულ აგრესიას. უკრაინელები ახლა ყოველ დღე იცავენ ევროპასა და დემოკრატიას, სიცოცხლეს სწირავენ ჩვენი საერთო მომავლისთვის.

უკრაინა გახდა ევროკავშირის წევრობის კანდიდატი, რომელიც უკვე იცვლება, ევროკავშირი იცვლება. ახლა ის იქნება უფრო ძლიერი, უფრო მზარდი, რომ დაიცვას საკუთარი თავი და დაიცვას საკუთარი ღირებულებები, იქნება უფრო ძლიერი ეკონომიკური მოთამაშე გლობალურ განზომილებაში. ის აღარ იქნება დამოკიდებული რუსეთის ენერგომატარებლებზე და უფრო სწრაფად შეძლებს გამოწვევებსა და საფრთხეებზე რეაგირების მოხდენას”,- განაცხადა კასიანოვმა.

შეგახსენებთ, რომ გუშინ ევროკავშირის საბჭომ მიიღო გადაწყვეტილება, აღიაროს საქართველოს ევროპული პერსპექტივა და მზადაა, წევრობის კანდიდატის სტატუსი მიანიჭოს, როგორც კი დასახული პრიორიტეტები შესრულდება.

ევროკავშირის საბჭოს გადაწყვეტილებით, უკრაინასა და მოლდოვას ევროკავშირის წევრობის კანდიდატის სტატუსი გუშინვე მიენიჭათ.

ამასთან, დღეს გამართულ ბრიფინგზე საქართველოს პრემიერ-მინისტრმა ირაკლი ღარიბაშვილმა, აღნიშნა, რომ უკრაინამ და მოლდოვამ ევროპული პერსპექტივა და კანდიდატის სტატუსი, როგორც წამახალისებელი საჩუქარი, ისე მიიღეს.

ავტორი: ექსპრესნიუსი,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით