ათასობით ადამიანის სიცოცხლე პირდაპირ არის დამოკიდებული ჩვენი პარტნიორების სისწრაფეზე,- ამის შესახებ უკრაინის პრეზიდენტმა ვოლოდიმერ ზელენსკიმ თავის ვიდეო მიმმართვაში აღნიშნა.

ზელენსკის თქმით, როგორც აქტიურად იბრძვიან უკრაინისთვის კანდიდატის სტატუსის მინიჭებაზე ევროკავშირისგან დადებითი გადაწყვეტილების მისაღებად, ზუსტად ასევე, ყოველდღე იბრძვიან ქვეყნის თანამედროვე იარაღით მომარაგებისთვის.

„როგორც აქტიურად ვიბრძვით ევროკავშირის პოზიტიური გადაწყვეტილების მისაღებად უკრაინის კანდიდატურაზე, ასევე ყოველდღიურად ვიბრძვით ჩვენი ქვეყნისთვის თანამედროვე იარაღის მიწოდებისთვის. არც ერთი დღე არ ვანელებთ ჩვენს აქტივობას. ათასობით ადამიანის სიცოცხლე პირდაპირ არის დამოკიდებული ჩვენი პარტნიორების სისწრაფეზე, იმაზე, თუ როგორ ახორციელებენ ისინი უკრაინის დასახმარებლად გადაწყვეტილებებს”,- განაცხადა ზელენსკიმ.

გარდა ამისა, ზელენსკიმ ასევე ევროკავშირის სანქციების მეშვიდე პაკეტის საჭიროებაზე ისაუბრა.

შეგახსენებთ, რომ  24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს